ព័ត៌មានអន្ដរជាតិ

ទឹកជំនន់ដ៏ធំមិនធ្លាប់មានបានជន់លិចតំបន់ភាគខាងត្បូងនៃប្រទេសបារាំង

បានផុស

៧ ខែ មុន

នៅ

ថ្ងៃពុធ ២៤ ធ្នូ ២០២៥

ដោយ

ភ្លៀងធ្លាក់មួយមេធំនៅជិតទីក្រុង Montpellier ភាគខាងត្បូងនៃប្រទេសបារាំង បានបង្កឱ្យមានទឹកជំនន់យ៉ាងខ្លាំង ដែលអាជ្ញាធរក្នុងតំបន់នោះថាជាទឹកជំនន់ធំបំផុត ដែលពួកគេកម្រឃើញក្នុងរយៈពេល ៣០ឆ្នាំ។ នេះបើយោងតាមសារព័ត៌មាន DW។

ទឹកជំនន់នៅសហរដ្ឋអាមេរិក ក្រុងវ៉ាស៊ីនតោន។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបាននិយាយកាលពីថ្ងៃពុធថាភ្លៀងធ្លាក់ខ្លាំងបានធ្វើឱ្យ «ទឹកជំនន់លិចខ្លាំង» នៅជិតទីក្រុង Montpellier ប្រទេសបារាំង។

ទឹកជំនន់អាចស្រកចុះនៅពេលណាមួយ ប៉ុន្តែការប្រកាសអាសន្នចំពោះករណីនេះនៅតែបន្តរហូតដល់ថ្ងៃទី ២៤ ខែធ្នូ និងរហូតមកដល់ពេលនេះ មិនមានអ្នកស្លាប់និងរបួសនៅឡើយទេ។

អាជ្ញាធរឱ្យដឹងទៀតថា ផ្ទះជិត ១០០០ខ្នង ត្រូវបានទុកចោលដោយគ្មានអគ្គីសនីអាចចម្លងបាន នៅល្ងាចថ្ងៃចន្ទក្នុងតំបន់ Hérault ជាប់ឆ្នេរសមុទ្រភាគខាងត្បូង និងមាន ៥២០តំបន់ ក្បែរទីក្រុង Montpellier ត្រូវបានលិច រួមមានឧទ្យាន សួនច្បារ ទីបញ្ចុះសព សួនសត្វ និងផ្សារបុណ្យណូអែលត្រូវបានបិទផងដែរ។

ចំណែកការដឹកជញ្ជូនតាមផ្លូវសាធារណៈត្រូវបានបិទមួយផ្នែក ហើយអភិបាលខេត្ត Hérault លោក Chantal Mauchet បាននិយាយថាការធ្វើដំណើរជុំវិញតំបន់នេះនៅតែពិបាក។

ជាក់ស្តែងកម្រិតទឹកខ្ពស់បំផុតនៅក្នុងតំបន់នេះត្រូវបានកត់ត្រាត្រឹមភាគខាងត្បូងនៃទីក្រុង Montpellier ក្បែរឆ្នេរសមុទ្រ Agde ជាកន្លែងដែលទឹកទន្លេ Hérault ឡើងដល់ជាង ១១ហ្វីត(៣០.៤៨សង់ទីម៉ែត្រ)។

អ្នកព្យាករណ៍បាននិយាយថា ទឹកជំនន់លើកនេះទំនងជាទឹកជំនន់ដ៏អាក្រក់បំផុតក្នុងតំបន់ ដែលមិនបានប្រទះចាប់តាំងពីខែវិច្ឆិកា ឆ្នាំ១៩៩៤។

អ្នកស្រុកបានបង្ហោះវីដេអូផ្លូវទឹកលិចតាមច្រាំងទន្លេ ប៉ុន្តែមិនមានការខូចខាតធំដុំ ឬគ្រោះថ្នាក់អ្វីដល់មនុស្សឡើយ នេះបើតាមអ្វីដែលបានរាយការណ៍។

អ្នករាយការណ៍អំពីទឹកជំនន់របស់បារាំង Vigicrues បានឱ្យថា៖ «នេះទឹកជំនន់ដែលធំមិនធ្លាប់មាន» និងបានចេញសេចក្តីព្រមានថាទឹកជំនន់ឡើងដល់ចំណុចពណ៌ក្រហមសម្រាប់នាយកដ្ឋាន Hérault រួមទាំងពណ៌ទឹកក្រូចសម្រាប់នាយកដ្ឋានជុំវិញនៃតំបន់ Aveyron, Lozère និងតំបន់ Tarn ផងដែរ។

ប្រែសម្រួល៖ ណឺ មិនា