KPT+
បើ Crush គេខ្លាំង ធ្វើម៉េចអាចឈប់បានទៅ?
ពាក្យថា Crush អាចនិយាយបានថា ជាការលួចចូលចិត្តនិងចាប់អារម្មណ៍នរណាម្នាក់តែម្នាក់ឯងដោយមិនឲ្យគេដឹងខ្លួន។ វាមិនចម្លែកអ្វីទេដែលធម្មតាៗយើងឧស្សាហ៍ Crush គេឯងច្រើនគ្នា នៅពេលឃើញគេមានចំណុចទាក់ទាញណាមួយដែលយើងចូលចិត្ត។ Crush មិនមែនមានន័យថាស្រឡាញ់ទេ តែបើ Crush គេខ្លាំងរហូតនឹកគេព្រឹកល្ងាច យើងប្រហែលជាលង់ស្រឡាញ់គេហើយ។ ចុះបើលង់ស្រឡាញ់គេខ្លាំង តែគេមិនដឹងខ្លួន ហើយយើងក៏ដឹងថាគ្មានសង្ឃឹម តើគួរកាត់ចិត្តឈប់ Crush យ៉ាងម៉េចទៅ? ទីនេះ KPT Plus មានវិធី ២ ជួយឲ្យកាត់ចិត្តឈប់លង់នឹង Crush ដើម្បីណែនាំជូនប្រិយមិត្តទាំងអស់គ្នា៖
ទី១ នៅឲ្យឆ្ងាយពី Crush
នៅឲ្យឆ្ងាយពីមនុស្សដែលយើង Crush ជាវិធីល្អបំផុត ខណៈយើងកំពុងលង់គេខ្លាំងមែនទែន។ ការនៅឲ្យឆ្ងាយមិនមែនមានន័យថា យើងរត់គេចទេ ប៉ុន្តែយើងអាចចៀសវាងមិនទៅកន្លែងណាដែលគេទៅ និងកន្លែងណាដែលមិត្តភក្តិគេទៅដែរ។ ធ្វើបែបនេះ មិនមែនរើសអើងមនុស្សទេ តែយើងមិនត្រូវការដឹងឮពីគេសូម្បីប៉ុនក្រចក។ ក្នុងទូរសព្ទយើងក៏ដោយគួរលុបលេខ និងលុបសារដែលធ្លាប់ផ្ញើចេញឲ្យអស់ពីទូរសព្ទ។ ទោះបីនៅក្នុងបណ្ដាញសង្គមដូចជា Facebook ឬ Instagram ក្ដីក៏ត្រូវ Unfollow ឬ Unfriend ចោលទាំងអស់ដែរ។ បើសិននឹកគេហើយចង់បើកមើលគេលើបណ្ដាញសង្គម ត្រូវទន្ទេញថា កុំចង់ដឹងពីគេ!! ទោះយើងទៅដល់ទីណាក៏ដោយ នៅជាមួយអ្នកណាក៏ដោយមិនត្រូវរំឭកពីគេមួយម៉ាត់ណាឡើយ។ បើមានវត្ថុអ្វីធ្វើឲ្យយើងរឭកពីគេ ត្រូវយកវាទុកម្ដុំ ឬបរិច្ចាគ ឬបោះចោល។ ការដឹងឮពីគេ វាធ្វើឲ្យយើងនៅតែអាល័យ និងបន្ត Crush គេមិនឈប់។ បើបែបនេះ គួរនៅឲ្យឆ្ងាយតាមគ្រប់វិធីទាំងអស់ដែលអាចធ្វើបាន។
ទី២ បង្វែរអារម្មណ៍ខ្លួនឯង
ផ្ដោតអារម្មណ៍លើបំណងប្រាថ្នាដែលយើងចង់ធ្វើ ច្រើនជាងយកពេលទៅគិតគេងព្រួយពីគេឥតល្ហែ។ មិនចាំបាច់ខំធ្វើល្អដាក់គេ ឲ្យគេទន់ចិត្តអាណិតស្រឡាញ់យើងទេ ព្រោះថាមនុស្សមិនស្រឡាញ់នៅតែមិនអាចស្រឡាញ់។ ព្យាយាមធ្វើអ្វីដែលយើងចូលចិត្តដូចជា លេងកីឡា លេងតន្ត្រី គូររូប អានសៀវភៅ ឬធ្វើម្ហូបជាដើម។ ខិតខំធ្វើការរកចំណូល។ ទៅកម្សាន្តកន្លែងណាដែលយើងចង់ទៅ ដើម្បីឲ្យកាដូដល់ខ្លួនឯងនិងជាការលំហែ។ សាកល្បងសម្មភាពថ្មីៗដែលយើងមិនធ្លាប់ធ្វើ។ សាកល្បងជួបមនុស្សថ្មីនិងរាប់អានមនុស្សថ្មី។ ថាមិនត្រូវជួប Crush ពិតក៏ថាបាន។ បើមានបុរសស្រ្តីណាចង់មានទំនាក់ទំនងជាមួយយើង ក៏សាកល្បងណាត់ជាមួយគេទៅ។ បេះដូងយើង យើងជាអ្នកគ្រប់គ្រងនិងបញ្ជារវាទេ។ កុំជឿគេថា បេះដូងមិនស្ដាប់បញ្ជានោះ! តាមពិតវាស្ដាប់បញ្ជាយើងណាស់ លើកតែយើងមិនចង់បញ្ជាប៉ុណ្ណោះ៕
ប្រែសម្រួល៖ សន្យា
ចុចអាន៖ ប្រភេទក្លិនទឹកអប់ដែលបុរសគួរប្រើ ដើម្បីទាក់ទាញការចាប់អារម្មណ៍ពីមនុស្សស្រី
ចុចអាន៖ពេលខ្លះ ខ្ញុំសង្ស័យថា ខ្លួនឯងជាមនុស្សស្រឡាញ់ភេទដូចគ្នា
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព