ព័ត៌មានអន្ដរជាតិ

ចាប់ពីខែធ្នូ សិង្ហបុរី អ្នកអត់ចាក់វ៉ាក់សាំង បើឆ្លងកូវីដចូលពេទ្យចំណាយខ្លួនឯង

បានផុស

៥ years មុន

នៅ

ថ្ងៃសៅរ៍ ១៣ វិច្ឆិកា ២០២១

ដោយ

ក្រសួងសុខាភិបាលប្រទេសសិង្ហបុរីបានប្រកាសកាលពីថ្ងៃសុក្រម្សិលមិញថា អ្នកឆ្លងកូវីដ-១៩ដែលមិនបានចាក់វ៉ាក់សាំងការពារត្រូវចំណាយប្រាក់ផ្ទាល់ខ្លួនជាង១៨០០០ដុល្លារអាមេរិកសម្រាប់ការព្យាបាលនៅមន្ទីរពេទ្យ។

សេចក្តីប្រកាសនេះបានធ្វើឡើង បន្ទាប់ពីក្រសួងសុខាភិបាលសិង្ហបុរីបានប្រកាសកាលពីថ្ងៃចន្ទទី៨ ខែវិច្ឆិកាកន្លងទៅនេះថា ចាប់ពីថ្ងៃទី៨ ខែធ្នូ ខាងមុខ អ្នកជំងឺកូវីដ-ទាំងអស់ដែលមិនបានចាក់វ៉ាក់សាំងត្រូវចំណាយប្រាក់ខ្លួនឯងលើការព្យាបាល ប្រសិនបើពួកគេឆ្លងកូវីដធ្លាក់ខ្លួនឈឺឈានដល់ការចូលមន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមជាមួយគ្នានេះ ក្រសួងបានឲ្យដឹងថា ប្រជាជនសិង្ហបុរី និងអ្នករស់នៅអចិន្ត្រៃយ៍នឹងនៅតែអាចទទួលបានប្រាក់ឧបត្ថម្ភធនធម្មតាពីរដ្ឋាភិបាល និងធានារ៉ាប់រងសុខភាព MediShield Life ឬកម្មវិធី Integrated Shield Plan ដែលអាចអនុវត្តបាន។

ចាប់តាំងពីខែកុម្ភៈ ឆ្នាំ២០២០មក អ្នកឆ្លងកូវីដ-១៩ដែលចូលព្យាបាលនៅមន្ទីរពេទ្យរដ្ឋក្នុងប្រទេសសិង្ហបុរីមិនចំណាយប្រាក់ផ្ទាល់ខ្លួនទេដោយរដ្ឋាភិបាលជាអ្នកទទួលបន្ទុកទាំងស្រុង។

ឆ្លើយតបនឹងសំនួរពីអ្នកសារព័ត៌មាន ក្រសួងបាននិយាយកាលពីថ្ងៃសុក្រ ទី១២ ខែវិច្ឆិកាថា ការចំណាយអាស្រ័យលើស្ថានភាពនៃអាការរបស់អ្នកជំងឺ និងប្រភេទនៃកន្លែងដែលពួកគេព្យាបាល។

ក្រសួងបញ្ជាក់ថា ៖«ជាទូទៅ ទំហំនៃការចំណាយជាមធ្យមសម្រាប់អ្នកជំងឺកូវីដ-១៩លើការព្យាបាលនៅមន្ទីរពេទ្យដែលត្រូវការកន្លែងសង្គ្រោះបន្ទាន់ និងការព្យាបាលប្រហែលជា១៨៤៧៨ដុល្លារអាមេរិក៕

ប្រែសម្រួល៖ វីរបុត្រ
ប្រភព៖ CNA

Related Topics:ប្រទេសសិង្ហបុរី

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា