ចាប់បាន​បុរសជាប្ដី ផ្ដាច់ជីវិតប្រពន្ធ​នៅសៀមរាប ក្រោយរត់គេចខ្លួនមកដល់ភ្នំពេញ មួយថ្ងៃ

ព័ត៌មានបឋមដែលកម្ពុជាថ្មីទទួលបានប៉ុន្មាននាទីមុននេះ បានឱ្យដឹងថា បុរសជនសង្ស័យជាប្ដី ដែលបានអារ.ក សម្លាប់ប្រពន្ធ នៅក្បែរផ្សារដើមក្រឡាញ់ ភូមិទក្សិណខាងត្បូង សង្កាត់គោកចក ក្រុងសៀមរាប ត្រូវសមត្ថកិច្ចចាប់ខ្លួនបាន នៅរាជធានីភ្នំពេញ បន្ទាប់ពីរត់គេចខ្លួនបានមួយថ្ងៃ។

សូមជំរាបថា ជនរងគ្រោះក្នុងករណីឃាតកម្ម ដែលត្រូវប្ដីអារ.ក សម្លាប់សង្ស័យផ្ដើមចេញពីភ្លើងប្រចណ្ឌ ខណៈស្ត្រីរូបនេះ មានកូនប្រុសស្រី ៤ នាក់ ធ្វើការនៅភោជនីយដ្ឋាន។

ជនរងគ្រោះ​មាន ឈ្មោះ សូ​ច​ន្ធី ភេទ​ស្រី អាយុ​ប្រហែល​៤០​ឆ្នាំ ចំណែកបុរសជាប្ដី​ឈ្មោះ ធួ​ក​ ឈា​ត អាយុ​ ៤៣​ឆ្នាំ មុខ​របរ រត់​ម៉ូតូ​កង់​បី។

ករណីឃាតកម្មនេះបានកើតឡើងកាលពីវេលាម៉ោង ១៣៖០០ ថ្ងៃទី ២ ខែធ្នូ ឆ្នាំ ២០២១នេះ នៅ​ភូមិ​ទក្សិណ​ត្បូង សង្កាត់​គោកចក ក្រុងសៀមរាប ខេត្តសៀមរាប៕​

អត្ថបទ៖ កុសល