កីឡា

ក្រោយឈ្នះជើងឯកពិភពលោក Stamp ទៅលើកទឹកចិត្តបុគ្គលិកជួរមុខ

បានផុស

៤ years មុន

នៅ

ថ្ងៃពុធ ២២ ធ្នូ ២០២១

ដោយ

កីឡាការិនីគុនចម្រុះថៃ Stamp Fairtex បានជួបក្រុមគ្រូពេទ្យជួរមុខដែលប្រឈមនឹងវិបត្តិកូវីដ-១៩នៅមន្ទីរពេទ្យ បន្ទាប់ពីនាងបានឈ្នះជើងឯកគុនចម្រុះពិភពលោក ONE Women’s Atomweight Grand Prix កាលពីពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គផ្ដាច់ព្រ័ត្រកម្មវិធីខ្សែក្រវាត់គុនចម្រុះពិភពលោក ONE Women’s Atomweight Grand Prix កាលពីថ្ងៃទី ៣ ខែធ្នូ កន្លងទៅនេះ Stamp បានផ្តួលកីឡាការិនីឥណ្ឌា Ritu Phogat ក្នុងទឹកទី ២ដើម្បីក្លាយជាជើងឯក។

សម្រាប់កម្មវិធីខ្សែក្រវាត់ពិភពលោក ដែលមានបេក្ខនារី ៨ នាក់មកពីប្រទេសផ្សេងៗត្រូវបានរៀបចំឡើងក្នុងអន្តរកាលនៃវិបត្តិកូវីដ-១៩ ហើយក៏ជួបបញ្ហាស្មុគស្មាញជាច្រើនរហូតមានការផ្លាស់ប្តូរសមាសភាពខ្លះទៀត ប៉ុន្តែកម្មវិធីបានដំណើរទៅរហូតទទួលបានជោគជ័យ។ ដូច្នេះហើយទើបបានជាកញ្ញា Stamp បានស្ពាយខ្សែក្រវាត់គុនចម្រុះថ្មីរបស់ខ្លួនទៅជួបសុខទុក្ខដល់ក្រុមគ្រូពេទ្យ Pattaya City Hospital ដែលជាមន្ទីរពេទ្យក្នុងប្រទេសថៃបានខិតខំប្រឹងប្រែងដើម្បីសង្គ្រោះអាយុជីវិតពលរដ្ឋ។

ជាមួយគ្នានេះ ក្រៅពីការលើកទឹកចិត្ត និងតស៊ូដើម្បីជោគជ័យ ជើងឯកថ្មោងថ្មីក៏បានបង្កើតការទំនាក់ទំនងជាមួយសហគមន៍ដើម្បីឲ្យប្រឹងប្រែងដើម្បីស្វែងរកក្តីស្រមៃរបស់ខ្លួន។ Stamp ក៏បានរៀបរាប់ពីការប្រឹងប្រែងលះបង់គ្រប់បែបយ៉ាងដើម្បីសម្រេចគោលដៅដែលនាងប្រាថ្នា បន្ទាប់ពីនាងធ្លាប់ឈ្នះខ្សែក្រវាត់មួយថៃ និងឃីកបុកសីងពិភពលោក។

នៅពេលទៅជួបបុគ្គលិកជួរមុខ នារីរូបនេះក៏បានបង្ហាញពីព្រឹត្តិការណ៍ប្រកួតONE: WINTER WARRIORS II ដែលនឹងចាក់ផ្សាយនាថ្ងៃសុក្រទី ១៧ ខែធ្នូនេះ។ ជាពិសេសទៀតនោះ ការប្រកួតដ៏ធំបំផុតរបស់នាង គឺទៅដណ្តើមខ្សែក្រវាត់គុនចម្រុះពិភពលោកពីកីឡាការិនីសិង្ហបុរី-អាមេរិក Angela Lee ដែលនឹងត្រូវប្រកាសកាលបរិច្ឆេទប្រកួតនាឆ្នាំ២០២២ខាងមុខ៕

Related Topics:កីឡាប្រដាល់