ព័ត៌មានជាតិ
ពេទ្យអង្គឌួង នឹងមានអគារពហុព្យាបាលកម្ពស់ ៨ ជាន់ទំនើបដ៏ថ្មីសន្លាងមួយទៀត នៅឆ្នាំក្រោយ
មន្ទីរពេទ្យព្រះអង្គឌួង នឹងមានអគារពហុព្យាបាលមានកម្ពស់ ៨ ជាន់ បែបទំនើបដ៏ថ្មីសន្លាងមួយទៀតនៅឆ្នាំក្រោយនេះ ដើម្បីបម្រើដល់ការព្យាបាលជំងឺជូនដល់ប្រជាពលរដ្ឋប្រកបដោយគុណភាពនិងប្រសិទ្ធភាពខ្ពស់។
លោកសាស្ត្រាចារ្យ លូ លីឃាង នាយកមន្ទីរពេទ្យព្រះអង្គឌួង បានមានប្រសាសន៍នៅព្រឹកថ្ងៃទី ២៨ ខែធ្នូនេះថា អគារពហុព្យាបាល ដែលមានកម្ពស់ ៨ ជាន់នេះ បានចាប់ផ្តើមសាងសង់កាលពីខែមេសា ឆ្នាំ ២០២១ ហើយគ្រោងនឹងបញ្ចប់ការសាងសង់នៅខែសីហា ឆ្នាំ ២០២២ ខាងមុខនេះដោយចំណាយថវិកាប្រមាណ ៣ លានដុល្លារអាមេរិកជាថវិការបស់រាជរដ្ឋាភិបាល។ លោកសាស្ត្រាចារ្យបានបន្តថា អគារពហុព្យាបាលនេះ នឹងបំពាក់នូវសម្ភារ និងបរិក្ខារទំនើបៗសម្រាប់បម្រើដល់ការព្យាបាលជំងឺមួយចំនួនដូចជា ជំងឺទឹកនោមផ្អែម ជំងឺរោគស្ត្រី ការវះកាត់បាក់បែកឆ្អឹង ជំងឺបេះដូងនិងជំងឺមាត់ធ្មេញជាដើម។
លោកនាយកមន្ទីរពេទ្យ បានបន្តថា នៅពេលអគារនេះ សាងសង់រួចរាល់ហើយនឹងជួយបំពេញការឆ្លើយតបទៅនឹងតម្រូវការរបស់ប្រជាពលរដ្ឋយើង ដើម្បីធ្វើយ៉ាងណាបង្កើនគុណភាពសេវាកម្ម ក្នុងមន្ទីរពេទ្យព្រះអង្គឌួងឱ្យល្អប្រសើរមួយកម្រិតទៀត ខណៈដែលមន្ទីរពេទ្យព្រះអង្គឌួងសព្វថ្ងៃនេះ ផ្ដល់សេវាថែទាំជំងឺជូនប្រជាពលរដ្ឋ មានចំនួនច្រើនក្នុងមួយថ្ងៃៗ ជាពិសេស កម្មករ កម្មការិនី។
ទន្ទឹមនឹងមានអគារថ្មីស្រឡាងនេះ លោកនាយកមន្ទីរពេទ្យបានបន្ថែមថា មន្ទីរក៏នឹងមានអគារមជ្ឈមណ្ឌលព្យាបាល ត្រចៀក ច្រមុះ និងបំពង់កកម្ពស់ ៥ ជាន់តម្លៃ ៨ លានដុល្លារ ដែលជាជំនួយរបស់រដ្ឋាភិបាលកូរ៉េខាងត្បូង គ្រោងនឹងដាក់ឱ្យប្រើប្រាស់ជាផ្លូវការនៅខែមេសា ឆ្នាំ ២០២២ខាងមុខនេះផងដែរ។ លោកសាស្ត្រាចារ្យ លូ លីឃាង បានបញ្ជាក់ថា ក្រៅពីអគារទាំងនេះ មន្ទីរពេទ្យក៏មានអគារព្យាបាលភ្នែកមានកម្ពស់ ៣ ជាន់ជាជំនួយរបស់រដ្ឋាភិបាលកូរ៉េខាងត្បូង និងអគារកម្ពស់ ៥ ជាន់ដែលជាថវិការបស់រដ្ឋ។
លោកនាយកមន្ទីរពេទ្យ បានបញ្ជាក់ថានៅពេលសាងសង់អគារបានរួចរាល់នោះនឹងធ្វើឱ្យមន្ទីរពេទ្យព្រះអង្គឌួងក្លាយជាមន្ទីរពេទ្យរដ្ឋមួយទំនើប ក្នុងចំណោមមន្ទីរពេទ្យរដ្ឋផ្សេងៗទៀត ពិសេសជួយក្នុងការសម្រួលដល់ការសម្រាកព្យាបាលជំងឺនៅក្នុងមន្ទីរពេទ្យផ្ទាល់តែម្តង ដោយបច្ចុប្បន្ននេះ មានអ្នកជំងឺចូលសម្រាកប្រមាណជាង ៣០០ គ្រែ ខណៈមន្ទីរមានគ្រែសម្រាប់ដាក់អ្នកជំងឺប្រមាណជិត ២០០ គ្រែប៉ុណ្ណោះ៕
អត្ថបទ៖ សំអឿន
កម្ពុជាទទួលបានចំណូលជាង $២៤ លាន ពីការនាំចេញផ្លែមៀនប៉ៃលិន
F-16 របស់ថៃ ត្រូវកងទ័ពខ្មែរបាញ់ធ្លាក់មួយគ្រឿងហើយ
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
កម្ពុជាថ្កោលទោសអំពើឈ្លានពានដោយទ័ពថៃ និងទទូចអន្តរជាតិថ្កោលទោសទង្វើខុសច្បាប់របស់ថៃលើកម្ពុជាបែបនេះ
ក្រសួងសុខាភិបាល ដាក់ឱ្យប្រើប្រាស់នីតិវិធីប្រតិបត្តិស្តង់ដាជាតិ សម្រាប់ប្រព័ន្ធកត់ត្រាជំងឺមហារីក បែបប្រជាសាស្ត្រ
ថៃ ប្រើលេសចំនួន២ ដើម្បីបញ្ជូនកម្លាំងបន្ថែមមកកាន់តំបន់រសើបនៅព្រំដែនជាប់កម្ពុជា
ថៃធ្វើបាន! សូម្បីម៉ូដសក់យុវជនខ្មែរ ក៏ថៃអះអាងថា ជារបស់ខ្លួនដែរ
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
ដើម្បីតែមហិច្ឆតាចង់បានទឹកដីខ្មែរ កងទ័ពថៃហ៊ានឈ្លានពានបើកការបាញ់មុន មិនខ្វល់ទុក្ខលំបាកប្រជាជនខ្លួន
ជាល្បិចឬយ៉ាងណា? ក្រោយអនុព័ន្ធយោធាបរទេសមិនខ្វល់ស្តាប់ ទាហានថៃ ៥នាក់ទៀតក៏ដើរជាន់មីន
-
ព័ត៌មានអន្ដរជាតិ៤ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ agoកម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
ព័ត៌មានជាតិ៣ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
បច្ចេកវិទ្យា៤ ថ្ងៃ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង