ព័ត៌មានអន្ដរជាតិ

អង្គការ Amnesty អំពាវនាវកុំឲ្យអ៉ីតាលីរើសអើងអ្នកអត់ចាក់វ៉ាក់សាំង

បានផុស

៤ years មុន

នៅ

ថ្ងៃចន្ទ ១៧ មករា ២០២២

ដោយ

អង្គការសិទ្ធិមនុស្សលើកលែងទោសអន្តរជាតិ Amnesty បានជំរុញឲ្យប្រទេសអ៉ីតាលីកែប្រែការរឹតត្បិតចំពោះអ្នកប្រឆាំងនឹងកូវីដដើម្បីជៀសវាងការរើសអើងអ្នកអត់ចាក់វ៉ាក់សាំង។

នៅក្នុងអនុក្រឹតថ្មីមួយរបស់រដ្ឋាភិបាលនាយករដ្ឋមន្ត្រី លោក Mario Draghi បានចេញកាតព្វកិច្ចចាក់វ៉ាក់សាំងសម្រាប់មនុស្សគ្រប់គ្នាដែលមានអាយុលើស៥០ឆ្នាំ និងសម្រាប់ប្រើប្រាស់សេវាដឹកជញ្ជូនសាធារណៈ ព្រមទាំងសេវាកម្មជាច្រើនទៀត ដែលបានក្លាយជាប្រទេសមួយក្នុងចំណោមប្រទេសមួយចំនួនតូចចាត់វិធាការស្រដៀងគ្នាក្នុងគោលបំណងបន្ធូរបន្ថយសម្ពាធសេវាសុខាភិបាលអ៉ីតាលី ព្រមទាំងកាត់បន្ថយមរណភាពដោយសារកូវីដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គការលើកលែងទោសអន្តរជាតិ Amnesty បានស្នើឲ្យផ្តល់វិធានការជម្រើសវិញ ដូចជា ការពាក់ម៉ាស់ និងតេស្តកូវីដ-១៩ ដើម្បីអនុញ្ញាតឲ្យប្រជាជនដែលមិនចាក់វ៉ាក់សាំងបន្តទៅធ្វើការ និងប្រើប្រាស់សេវាដឹកជញ្ជូនសាធារណដោយគ្មានការរើងអើង។

ស្ថិតក្រោមច្បាប់បច្ចុប្បន្នដែលបន្តរហូតដល់ថ្ងៃទី១៥ ខែមិថុនា ការពាក់ម៉ាស់ និងការធ្វើតេស្តអវិជ្ជមានគឺមិនគ្រប់គ្រាន់ដើម្បីប្រើប្រាស់មធ្យោបាយដឹកជញ្ជូនសាធារណៈ ឬប្រជាជនអាយុលើស៥០ឆ្នាំទៅធ្វើការបានឡើយ។

អង្គការលើកលែងទោស Amnesty អ៉ីតាលី ដែលជាក្រុមសិទ្ធិមនុស្សក្នុងស្រុកបាននិយាយថាកាតព្វកិច្ចចាក់វ៉ាក់សាំងអាចមានយុត្ថិធម៌ ប៉ុន្តែចាំបាច់ត្រូវកំណត់ពេលវេលា និងសមាមាត្រដែលមានគោលបំណងស្របច្បាប់នៃការការពារសុខភាពសាធារណៈ។

អង្គការនេះបាននិយាយថា ៖«រដ្ឋាភិបាលត្រូវតែបន្តធានាថា ប្រជាជានទាំងអស់អាចរីករាយចំពោះសិទ្ធិជាមូលដ្ឋានរបស់ខ្លួន ដូចជាសិទ្ធិទទួលបានការអប់រំ ធ្វើការ និងព្យាបាលជំងឺ ជាពិសេសអ្នកជំងឺមិនមែនកូវីដដែលត្រូវការវះកាត់បន្ទាន់»៕

ប្រែសម្រួល៖ វីរបុត្រ
ប្រភព៖ reuters

Related Topics:សិទ្ធិមនុស្ស