វីដេអូទាហាន ឥណ្ឌា រាំកម្ដៅខ្លួនក្នុងសីតុណ្ហភាពដក ១០ អង្សាសេ កំពុងផ្ទុះលើបណ្ដាញសង្គម

ទឹកដីសហភាពនៃរដ្ឋ Jammu និង Kashmir របស់ប្រទេសឥណ្ឌាបានជួបប្រទះនឹងការធ្លាក់ព្រិលយ៉ាងខ្លាំង ហើយសីតុណ្ហភាពធ្លាក់ចុះដល់ដក ១០ អង្សាសេ ។

ទាហាន និងកងទ័ពឥណ្ឌាដែលមានមូលដ្ឋាននៅក្នុងតំបន់នោះបានរកវិធីដើម្បីរក្សាខ្លួនពួកគេឲ្យកក់ក្តៅនៅក្នុងស្ថានភាពអាកាសធាតុដែលកាន់តែត្រជាក់ទៅៗ ។

ទន្ទឹមនោះនៅក្នុងវីដេអូ​មួយ​ដែល​បង្ហាញ​ពី​ក្រុម​កង​កម្លាំង​សន្តិសុខ​ព្រំដែន (BSF) ប្រារព្ធ​ពិធី​ Bihu និង​រាំ​បទ​ប្រជាប្រិយ​នៅ​លើ​ភ្នំ​កំពុងល្បីល្បាញនៅលើបណ្ដាញសង្គម ។

សកម្មភាពដែល​ទាហាន​កំពុង​រាំ​នៅ​ក្នុង​ឃ្លីប​នេះ​គឺ​ជា​ការ​រំឭក​ពី​វិញ្ញាណអមតៈ ​និង​ភាពក្លាហាន​របស់​ពួកគេ បើទោះស្ថិត​ក្នុង​លក្ខខណ្ឌ​អាកាសធាតុ​ដ៏​អាក្រក់​បំផុតបែបនេះក៏ដោយ​ ។

នៅក្នុងឃ្លីបវីដេអូដែលត្រូវបានថតនៅក្នុងផ្នែក Keran ស្រុក Kupwara នៃតំបន់ Kashmir កងទ័ពត្រូវបានគេឃើញរាំ និងអបអរសាទរពិធីបុណ្យដ៏វិសេសវិសាល Bihu ជាពិធីបុណ្យប្រមូលផលដែលបានប្រារព្ធធ្វើឡើងនៅរដ្ឋ Assam និងភាគឦសាននៃប្រទេសឥណ្ឌាក្នុងខែមករា និងកុម្ភៈ ។

បុគ្គលិក​កងទ័ព​​ត្រូវ​បាន​គេ​មើល​ឃើញ​រាំ​យ៉ាងសប្បាយ​ក្លៀវក្លា​នៅ​សីតុណ្ហភាព​ត្រជាក់​ដែល​ធ្លាក់​ចុះ​ដល់ដក ១៥ អង្សាសេ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ភ្នំភ្លើងក្រោមទឹកផ្ទុះនៅ តុងហ្គា កើតឡើងម្តងប៉ុណ្ណោះ ក្នុងរយៈពេលរាប់ពាន់ឆ្នាំ