ព័ត៌មានជាតិ

អាជ្ញាធរថៃ បន្តចាប់បញ្ជូនពលករខ្មែរ ១៣៣ នាក់ ត្រឡប់មកប្រទេសកម្ពុជាវិញ

បានផុស

៤ years មុន

នៅ

ថ្ងៃចន្ទ ១៤ កុម្ភៈ ២០២២

ដោយ

អាជ្ញាធរថៃ បានបន្តចាប់បញ្ជូនពលករខ្មែរ ១៣៣នាក់ ស្រី ៥១ នាក់ ក្មេង ២៤ នាក់ ក្មេងស្រី ១១ នាក់ ឱ្យវិលត្រឡប់មកប្រទេសកម្ពុជាវិញ តាមច្រកតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមផេកហ្វេកប៊ុកផ្លូវការរបស់អគ្គស្នងការដ្ឋាននគរបាលជាតិ បានសរសេរថា នៅថ្ងៃទី ១៤ ខែកុម្ភៈ ឆ្នាំ ២០២១២ នេះ ដោយអនុវត្តតាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង និងលោកវរសេនីយ៍ឯក ហាត ឡៃឡែ ស្នងការរងផែនការងារវរសេនាតូចនគរបាលការពារព្រំដែនគោក ក្រោមការបញ្ជាផ្ទាល់របស់លោកវរសេនីយ៍ឯក ម៉ង់ ស៊ី មេបញ្ជាការវរសេនាតូចនគរបាលការពារព្រំដែនគោកលេខ ៨១៩ បានចាត់កម្លាំងប៉ុស្តិ៍អូរអន្លក់ សហការជាមួយកម្លាំងកងយោធពលខេរភូមិន្ទ និងក្រុមគ្រូពេទ្យទៅទទួលពលករចំនួន ១៣៣ នាក់ វិលត្រឡប់មកស្រុកវិញ ដែលភាគីថៃបានបញ្ជូនមកតាមច្រកតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង ។ក្នុងចំណោមប្រជាពលរដ្ឋចំនួន ១៣៣ នាក់ក្នុងនោះមាន(ស្រី ៥១ នាក់)ក្មេង ២៤នាក់ (ក្មេងស្រី ១១ នាក់)។

កម្លាំងសមត្ថកិច្ចបានសាកសួរកត់ឈ្មោះ ចុះកំណត់ហេតុ និងអប់រំណែនាំអំពីវិធានការការពារការឆ្លងជំងឺកូវី-១៩ រួច ក្រុមគ្រូពេទ្យបានធ្វើតេស្តរហ័ស ហើយជាលទ្ធផលអវិជ្ជមានកូវីដ-១៩ ទាំងអស់ ក្នុងនោះមានពលករចំនួន ៤៩ នាក់ (ស្រី ១៥នាក់) ក្មេង ៧ នាក់ (ស្រី ៣នាក់) បញ្ជូនទៅធ្វើចត្តាឡីស័កនៅមណ្ឌលគីឡូ ៩ ស្រុកសំពៅលូន ខេត្តបាត់ដំបង និងពលករ ដែលមានកាតចាក់វ៉ាក់សាំង ចំនួន ៨៤ នាក់ (ស្រី ៣៦ នាក់) ក្មេង ១៧ នាក់ (ស្រី ៨ នាក់) ក្នុងនោះបានចាក់វ៉ាក់សាំងឱ្យក្មេងចាប់ពីអាយុ ៥ ឆ្នាំដល់ ១៨ ឆ្នាំ ចំនួន ៧ នាក់ (ស្រី ៣ នាក់) ត្រូវបានក្រុមគ្រូពេទ្យអនុញ្ញាតឱ្យត្រឡប់ទៅស្រុកកំណើតរៀងៗខ្លួនវិញ ផងដែរ៕

អត្ថបទ៖ សំអឿន

Related Topics:ពលករខ្មែរ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា