កីឡា

លះបង់ខ្លាំងណាស់! វីដេអូមួយអំពី លោកគ្រូហុងដា កាលពីយប់មិញ ធ្វើឲ្យគ្រប់គ្នារំភើបសឹងស្រក់ទឹកភ្នែក

បានផុស

៤ years មុន

នៅ

ថ្ងៃអង្គារ ១៥ កុម្ភៈ ២០២២

ដោយ

អ្នកគាំទ្របាល់ទាត់កម្ពុជាកាលពីយប់មិញនេះ ពិតជាមានក្តីសុខខ្លាំងណាស់ ជាមួយនឹងលទ្ធផល ៦-០ លើក្រុមបាល់ទាត់ ព្រុយណេ ក្នុងការប្រកួតជើងឯកយុវជនអាស៊ាន AFF U23 CHAMPIONSHIP 2022។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់ផ្តើមវគ្គទី១ភ្លាម កម្ពុជាគ្របសង្កត់យ៉ាងខ្លាំងលើព្រុយណេ រហូតស៊ុតចូលបាន៣គ្រាប់។ គ្រាប់ដំបូងជាការតែតបញ្ចូលទីរបស់កីឡាករ សៀង ចន្ធា នៅនាទីទី១៨។ ២នាទីបន្ទាប់ ញាណ សុស៊ីដាន ស៊ុតឲ្យកម្ពុជានាំមុខ ២-០ មុនពេល កីឡាករមកពីវិសាខា សារ ទី រកបានគ្រាប់ទី៣នៅនាទី៣២។ ចប់វគ្គទី១ កម្ពុជា នាំមុខ ព្រុយណេ ៣-០។

ដើមវគ្គទី២ ដោយសារមានភ្លៀងខ្លាំង គណកម្មការរៀបចំការប្រកួតត្រូវបង្ខំចិត្តផ្អាករយៈពេល៣០នាទី។ បន្ទាប់ពីភ្លៀងរាំង ការប្រកួតបានបន្ត ហើយកម្ពុជានៅតែដាក់សម្ពាធលើក្រុមព្រុយណេ និងរកបាន ៣គ្រាប់ថែមទៀត។

នៅនាទី៧២ កម្ពុជារកបានគ្រាប់ទី៤ ដោយកីឡាករ តាំង ប៊ុនឆៃ បន្ទាប់ពីបាល់ហ្វ្រីឃីកចេញពីជើង មិន រតនៈ។ គ្រាប់ទី៥រកបានដោយ សរ រតនា ទើបតែប្តូរចូល បន្ទាប់ពីលើកបាល់ពី ឡេង ណូរ៉ា នៅនាទីទី៨៦ និងគ្រាប់ទី៦រកបានដោយ ណារ៉ុង កក្កដា នៅនាទីទី៨៩។

ចប់ការប្រកួតកម្ពុជាឈ្នះព្រុយណេ ៦-០ដើម្បីទទួលបាន៣ពិន្ទុឈរលើកំពូលតារាងពូល A។

This image has an empty alt attribute; its file name is hnda-1024x683.jpg

អ្វីដែលធ្វើឲ្យគ្រប់គ្នាកាន់តែរំភើបចិត្ត និងសរសើរមិនដាច់ពីមាត់នោះ គឺជាការតស៊ូរបស់លោកគ្រូ ហុងដា ដែលឈរបញ្ជាកូនក្រុមទាំងភ្លៀង ខណៈដែលខាងព្រុយណេឯណោះវិញ មិនឃើញមានគ្រូបង្វឹក ឬជំនួយការណាម្នាក់ចេញមកសោះ។

វីដេអូមួយនេះ ត្រូវបានបង្ហោះដោយទំព័រ Facebook របស់តារាកំប្លែង នាយពាក់មី ហើយក្នុងនោះ គេឃើញមានការ Comment សរសើរព្រោងព្រាតអំពីទឹកចិត្តរបស់លោកគ្រូ ហុងដា។

តោះទៅទស្សនាវីដេអូទាំងអស់គ្នា!

អត្ថបទដោយ៖ Vann Vann

ប្រភព៖ Facebook Page Chem Chanra ចែម ចាន់រ៉ា

ចុចអាន៖ អបអរសាទរ U23 កម្ពុជា លត់ U23 ព្រុយណេ ៦-០