កីឡា

អបអរសាទរ U23 កម្ពុជា លត់ U23 ព្រុយណេ ៦-០

បានផុស

៣ years មុន

នៅ

ថ្ងៃចន្ទ ១៤ កុម្ភៈ ២០២២

ដោយ

ក្រុមបាល់ទាត់យុវជនកម្ពុជាអាយុក្រោម២៣ឆ្នាំបានយកឈ្នះក្រុមបាល់ទាត់យុវជនព្រុយណេអាយុក្រោម២៣ឆ្នាំដោយលទ្ធផល ៦-០ សម្រាប់ការប្រកួតបើកឆាករបស់ខ្លួនក្នុងពូល A នៃពានរង្វាន់ AFF U23 Championship 2022 នៅពហុកីឡដ្ឋានជាតិមរតកតេជោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់ផ្តើមវគ្គទី១ភ្លាម កម្ពុជាគ្រប់សង្កត់យ៉ាងខ្លាំងលើព្រុយណេ រហូតស៊ុតចូលបាន៣គ្រាប់។ គ្រាប់បំប៉ោងសំណាញ់ទីដំបូងជាការតែតបញ្ចូលទីរបស់តារាឆ្នើម សៀង ចន្ធា នៅនាទីទី១៨។ ពីរនាទីបន្ទាប់ យុវជនកំពុងរះ ញាណ សុស៊ីដាន ស៊ុតឲ្យកម្ពុជានាំមុខ ២-០ នៅនាទី២០ មុនពេល ប្រុសស្អាតមកពីវិសាខា សារ ទី រកបានគ្រាប់ទី៣នៅនាទី៣២ដើម្បីបញ្ចប់វគ្គទី១ដោយលទ្ធផល ៣-០។

ការប្រកួតវគ្គទី២មិនមានអំណោយផលល្អសម្រាប់ក្រុមទាំងពីរទេដោយសារមានភ្លៀងខ្លាំងដែលបង្ខំឲ្យគណកម្មការរៀបចំការប្រកួតផ្អាករយៈពេល៣០នាទី។ បន្ទាប់ពីភ្លៀងរាំង ដំណើរការប្រកួតបានបន្ត ហើយកម្ពុជានៅតែដាក់សម្ពាធលើក្រុមព្រុយណេ និងរកបាន ៣គ្រាប់ថែមទៀត។ នៅនាទី៧២ កម្ពុជារកបានគ្រាប់ទី៤ ដោយកីឡាករ តាំង ប៊ុនឆៃ បន្ទាប់ពីបាល់ហ្វ្រីឃីកចេញពីជើង មិន រតនៈ, គ្រាប់ទី៥រកបានដោយ សរ រតនា ទើបតែប្តូរចូល បន្ទាប់ពីលើកបាល់ពី ឡេង ណូរ៉ា នៅនាទីទី៨៦ និងគ្រាប់ទី៦រកបានដោយ ណារ៉ុង កក្កដា នៅនាទីទី៨៩។

ចប់ការប្រកួតកម្ពុជាឈ្នះព្រុយណេ ៦-០ដើម្បីទទួលបាន៣ពិន្ទុឈរលើកំពូលតារាងពូល A។