ព័ត៌មានអន្ដរជាតិ
បុរសម្នាក់ឆ្លងកូវីដយូរបំផុត ១៤ខែ ធ្វើតេស្ត ៧៨ដង វិជ្ជមានរហូត (មានវីដេអូ)
បុរសតួកគីឈ្មោះ Muzaffer Kayasan អាយុ៥៦ឆ្នាំ បានកាន់កាប់កំណត់ត្រា ជាអ្នកឆ្លងជំងឺកូវីដ១៩ យូរបំផុតរបស់ប្រទេសនេះ ដោយគាត់បានធ្វើតេស្តវិជ្ជមានរយៈពេល១៤ខែជាប់ៗគ្នា។
Kayasan ក៏មានជំងឺមហារីកឈាមផងដែរ ហើយគ្រូពេទ្យជឿថា ការឆ្លងមេរោគដ៏យូររបស់បុរសម្នាក់នេះ អាចដោយសារតែប្រព័ន្ធការពាររាងកាយរបស់គាត់ ដែលត្រូវចុះខ្សោយព្រោះជំងឺមហារីក។
អ្នកជំងឺដែលមានប្រព័ន្ធភាពស៊ាំចុះខ្សោយ ត្រូវបានរកឃើញថា មានហានិភ័យខ្ពស់សម្រាប់ការឆ្លងមេរោគកូវីដកាន់តែយូរ បន្ថែមពីលើរោគសញ្ញាផ្លូវដង្ហើមស្រួចស្រាវធ្ងន់ធ្ងរ។
យោងតាមសេចក្តីណែនាំកូវីដរបស់ប្រទេសទួរគី, អ្នកដែលធ្វើតេស្តវិជ្ជមាន មិនអាចចាក់វ៉ាក់សាំងបានទេ រហូតដល់ពួកគេជាសះស្បើយទាំងស្រុង។ ដូចនេះមានន័យថា ស្ថានភាពរបស់លោក Kayasan មិនអាចធ្វើឲ្យគាត់ មានសិទ្ធិចាក់វ៉ាក់សាំងបានឡើយ។
បច្ចុប្បន្ន គាត់ក៏កំពុងជាប់ក្នុងការធ្វើចត្តាឡីស័កផងដែរ។ ក្រោយទទួលការព្យាបាលនៅមន្ទីរពេទ្យរយៈពេលប្រាំបួនខែ គាត់បានចំណាយពេលប្រាំខែ ធ្វើចត្តាឡីស័កនៅផ្ទះដោយមិនអាចចាកចេញបាន បន្ទាប់ពីការធ្វើតេស្តវិជ្ជមានជាបន្តបន្ទាប់ចំនួន៧៨ដង។
លោក Cagri Buke វេជ្ជបណ្ឌិតផ្នែកជំងឺឆ្លង និងមីក្រូជីវសាស្ត្រនៅមន្ទីរពេទ្យ Acibadem ប្រទេសតួកគី បាននិយាយថា រយៈពេលនៃការឆ្លងរបស់ Kayasan គឺមិនធ្លាប់មានពីមុនមកសោះ។
លោក Buke បានពន្យល់ថា “ករណីនៃអ្នកជំងឺដែលធ្វើតេស្តវិជ្ជមានក្នុងរយៈពេល៤៤១ថ្ងៃ ជារឿងដែលយើងមិនធ្លាប់ជួបប្រទះទាល់តែសោះ”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ i24news
ចុចអាន៖ ប្រទេសមួយនៅមហាសមុទ្រប៉ាស៊ីហ្វិក រកឃើញករណីឆ្លងកូវីដជាលើកដំបូង
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល