ព័ត៌មានអន្ដរជាតិ
ប្រមុខអ៊ុយក្រែនប្រាប់រុស្ស៊ីឲ្យបញ្ឈប់ទម្លាក់គ្រាប់បែកសិនមុនពេលការចរចាគ្នាមានន័យ
ប្រធានធិបតីអ៊ុយក្រែន លោក Volodymyr Zelenskiy កាលពីថ្ងៃអង្គារ៍បាននិយាយថា រុស្ស៊ីត្រូវតែបញ្ឈប់ការទម្លាក់គ្រាប់បែកលើទីក្រុងនានារបស់អ៊ុយក្រែន មុនពេលកិច្ចពិភាក្សាដ៏មានន័យស្តីពីបទឈប់បាញ់គ្នាចាប់ផ្តើម បន្ទាប់ពីការចរចាលើកទី១ក្នុងសប្តាហ៍នេះមានលទ្ធផលស្តួចស្តើង។
និយាយក្នុងបទសម្ភាសមួយក្នុងបរិវេណរដ្ឋាភិបាលដែលមានការយាមយ៉ាងតឹងរឹង លោក Zelenskiy បានជំរុញឲ្យសមាជិកអង្គការណាតូដាក់តំបន់គ្មានការហោះហើរដើម្បីបញ្ឈប់កម្លាំងទ័ពអាកាសរុស្ស៊ី។ លោកថា ប្រការនេះអាចជាវិធានការការពារមួយ និងមិនមានន័យថា ទាញសម្ព័ន្ធមិត្តចូលក្នុងសង្គ្រាមជាមួយរុស្ស៊ីនោះទេ។
លោក Zelenskiy ដែលបដិសេធចាកចេញពីរដ្ឋធានីអ៊ុយក្រែននៅពេលកម្លាំងរុស្ស៊ីកាន់តែរុលចូលជិត ក៏មានប្រសាសន៍ថា អ៊ុយក្រែនទាមទារឲ្យមានការធានាសន្តិសុខស្របច្បាប់ ប្រសិនបើណាតូមិនទទួលចូលជាសមាជិក។
ដោយកំណត់លក្ខន្តិកៈរបស់លោកសម្រាប់កិច្ចពិភាក្សាបន្ថែមទៀតជាមួយរុស្ស៊ី លោក Zelenskiy បានប្រាប់ទីភ្នាក់ងារសារព័ត៌មាន Reuters និង CNN ក្នុងបទសម្ភាសរួមគ្នាមួយថា ៖«វាចាំបាច់គឺហោចណាស់ត្រូវបញ្ឈប់ទម្លាក់គ្រាប់បែកលើកប្រជាជន គ្រាន់តែបញ្ឈប់ទម្លាក់គ្រាប់បែក រួចអង្គុយលើតុចរចាគ្នា»។
នៅពេលលោកកំពុងមានប្រសាសន៍ក្នុងបទសម្ភាស ស្រាប់តែមានដំណឹងថា កាំជ្រួចរុស្ស៊ីបានវាយប្រហារអង់ទែនទូរទស្សន៍មួយនៅជិតវិមានចងចាំ Holocaust ក្នុងរដ្ឋធានីអ៊ុយក្រែនដែលបានសម្លាប់មនុស្សហោចណាស់៥នាក់។ នៅព្រឹកថ្ងៃអង្គារ៍ កាំជ្រួចក៏បានវាយប្រហារចំកណ្តាលទីក្រុង Kharkiv ភាគខាងកើត៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានជាតិ១៩ ម៉ោង agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន