ជីវិតកម្សាន្ដ

តារាសម្តែង ស៊ី មនុ ត្រូវនារីម្នាក់ដាក់ពាក្យបណ្តឹងតាមចាប់ខ្លួនករណីលួចម៉ូតូ

បានផុស

៣ years មុន

នៅ

ថ្ងៃពុធ ៩ មីនា ២០២២

ដោយ

ភ្នំពេញ ៖ មហាជននិងអ្នកគាំទ្រផ្ទុះការភ្ញាក់ផ្អើលគ្រប់គ្នាខណៈសុខៗស្រាប់តែមានការទម្លាយដំណឹងថាតារាសម្តែងប្រុសរូបសង្ហាឈ្មោះ ស៊ី មនុ បានប្រព្រឹត្តបទល្មើសលួចម៉ូតូរបស់នារីម្នាក់ដោយសុវត្ថិភាពនិងកំពុងរត់គេចខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហោះរូបភាពភ្ជាប់នឹងពាក្យបណ្តឹងពីសំណាក់នារីរងគ្រោះដែលប្រើប្រាស់គណនីហ្វេសប៊ុកឈ្មោះDary Simបានរៀបរាប់ថា នាងខ្ញុំសូមប្រកាសស្វែងរកទីកន្លែងរស់នៅរបស់តារាសម្តែងឈ្មោះ ស៊ី មនុ ភេទប្រុសអាយុ២៦ឆ្នាំមានទីលំនៅភូមិព្រែកប៉ាង ឃុំកោះខែល ស្រុកស្អាងខេត្តកណ្តាលដែលមានភិនភាគដូចក្នុងរូបនេះស្រាប់។

ប្រភពពីនារីរូបនេះបញ្ជាក់ទៀតថា ឈ្មោះស៊ី មនុមាន មុខរបរជាតារាសម្តែងថតរឿងភាគនៅស្ថានីយទូរទស្សន៍ក្នុងមួយចំនួនកន្លងមកបានលួចយកម៉ូតូរ បស់ខ្ញុំរួចគេចខ្លួនបាត់រហូតមកដល់បច្ចុប្បន្ននេះ។ នាងថា កាលពីថ្ងៃទី២៣ខែមករាឆ្នាំ២០២២ កន្លង ទៅនេះកម្លាំងប៉ុស្តិ៍នគរបាលភ្នំពេញថ្មីបានចុះទៅឃាត់ខ្លួនដល់ផ្ទះជួលមួយកន្លែងតែឈ្មោះ ស៊ី មនុ បានគេចខ្លួ ន។

នៅថ្ងៃទី២៦ ខែមករា ឆ្នាំ២០២២ ក្រោយទទួលបានពាក្យបណ្តឹងក្រោមការណែនាំរបស់ស្នងការនគរបាលខេត្តកណ្តាលកម្លាំងសមត្ថកិច្ចរបស់អធិការនគរ បាលស្រុកស្អាងនិងកម្លាំងប៉ុស្តិ៍នគរបាលកោះខែ លបានចុះឃាត់ខ្លួនដល់ផ្ទះតែឈ្មោះស៊ី មនុបន្តគេចខ្លួនមិនចូលផ្ទះ។ បន្ទាប់ពីគេខ្លួនបាត់ស្ទើររៀងរាល់ថ្ងៃគណនីហ្វេសប៊ុកឈ្មោះ Ma Nuk នៅតែបង្ហោះរូបចេញដើរលែងដើរកម្សាន្តយ៉ាងសប្បាយដោយមិនខ្វល់ពីអារម្មណ៍របស់ម្ចាស់ម៉ូតូដែលលោកបានលួច។

ម្ចាស់គណនីហ្វេសប៊ុកឈ្មោះ Dary Sim ដដែលនេះបានបន្ថែមថា សេចក្តីប្រកាសនេះខ្ញុំសូមជូនជាព័ត៌មានដល់សាធារណជន និង ជាបណ្តឹងសុំអន្តរា គមន៍ដល់មន្ត្រីនគរបាលយុត្តិធម៌ជួយតាមឃាត់ខ្លួ នមុខសញ្ញាខាងលើនេះឲ្យមកទទួលខុសត្រូវចំពោះមុខច្បាប់។ បើបងប្អូនណាផ្តល់ព័ត៌មាននៃទីកន្លែងរស់នៅរប ស់ឈ្មោះ ស៊ី មនុ រហូតអាចឃាត់ ខ្លួនខ្ញុំនឹងផ្តល់សគុណជាទីគាប់ចិត្ត។

ទាក់ទងនឹងព័ត៌មានដ៏រសើបខាងលើនេះដែរ កម្ពុជាថ្មីនៅមិនទាន់អាចធ្វើការទំនាក់ទំនងដើម្បីស្វែងរកការបំភ្លឺពីតារាសម្តែងប្រុសលោក ស៊ី មនុ ជុំវិញប ញ្ហានេះបាននៅឡើយទេ ខណៈមានទស្សនិកជនមួ យចំនួនកំពុងតាមដានយ៉ាងយកចិត្តទុកដាក់ផងដែរ៕

ដោយ ៖ ចាន់រ៉ា