ព័ត៌មានអន្ដរជាតិ
កូនប្រុសមេដឹកនាំតូមិននីស្ថានឈ្នះការបោះឆ្នោតប្រធានាធិបតី
លោក Serdar Berdymukhamedov ដែលជាកូនប្រុសប្រធានាធិបតីផុតអាណត្តិរបស់ប្រទេសតូមិននីស្ថាន លោក Gurbanguly Berdymukhamedov បានឈ្នះក្នុងការបោះឆ្នោតភ្លាមៗមួយដោយទទួលបានសំឡេងឆ្នោត៧៣% និងត្រូវបន្តវេនពីឪពុករបស់ខ្លួន។ នេះបើតាមគណៈកម្មការរៀបចំការបោះឆ្នោតកណ្តាលរបស់ប្រទេសបាននិយាយកាលពីថ្ងៃអង្គារ៍។
លោក Serdar Berdymukhamedov អាយុ៤០ឆ្នាំត្រូវបានគេស្គាល់យ៉ាងទូលំទូលាយ បន្ទាប់ពីឪពុករបស់ខ្លួនបានដំឡើងតំណែងឲ្យស្ថិតនៅចំណាត់ថ្នាក់លេខ២ក្នុងប្រទេសពោលគឺជាឧបនាយករដ្ឋមន្ត្រី ដែលបានបញ្ជាក់យ៉ាងច្បាស់ថា លោកនឹងជាអ្នកស្នងតំណែង។
មិនមានក្រុមប្រឆាំងខ្លាំងនៅក្នុងប្រទេសសំបូរវាលខ្សាច់ដែលមានប្រជាជន៦លាននាក់ និងមានព្រំដែនជាប់ប្រទេសអ៉ីរ៉ង់ និងអាហ្វហ្គានីស្ថាននៅភាគខាងត្បូងទេ។
បេក្ខភាពឈរឈ្មោះប្រធានាធិបតី៨រូបផ្សេងទៀតក្នុងការបោះឆ្នោតនេះ អ្នកខ្លះមិនត្រូវបានមហាជនស្គាល់ទូលំទូលាយទេ។ ស្ថិតក្រោមរដ្ឋធម្មនុញ្ញតូមិននីស្ថាន ប្រធានាធិបតីត្រូវកាន់តំណែងមួយអាណត្តិរយៈពេល៧ឆ្នាំ។
លោក Serdar Berdymukhamedov ត្រូវបានអ្នកសារព័ត៌មានក្នុងស្រុកហៅជាទូទៅថាជា«កូនប្រុសរបស់ជាតិ» ខណៈឪពុកអាយុ៦៤ឆ្នាំរបស់លោកដែលទំនងធ្វើជាប្រធានសភាត្រូវបានហៅថា «អ្នកការពារ»៕
ប្រែសម្រួល៖ វីរបុត្រ
ប្រភព៖ CNN
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច២ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៧ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ គំរាម «ផ្តល់មេរៀន» ដល់អ៊ីស្រាអែល បើហ៊ានប៉ះ មេដឹកនាំកំពូល របស់ខ្លួន
-
ព័ត៌មានអន្ដរជាតិ២ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី