កីឡា

ពានសម្តេចតេជោរដូវកាលថ្មីចាប់ផ្តើមត្រៀមជើង ដោយក្រុម ១៩ ចាប់ពូលរួចរាល់ថ្នាក់ខេត្ត

បានផុស

៧ នាទី មុន

នៅ

ថ្ងៃព្រហស្បតិ៍ ៩ កក្កដា ២០២៦

ដោយ

ការប្រកួតកីឡាបាល់ទាត់ពានរង្វាន់ សម្តេចអគ្គមហាសេនាបតីតេជោ ហ៊ុន សែន លើកទី២០ ឆ្នាំ ២០២៦/២៧ ថ្នាក់ខេត្ត បានចាប់ផ្តើមត្រៀមជើងហើយដោយក្រុមចំនួន ១៩ មកពីរាជធានី-ខេត្តបានចាប់ពូលរួចរាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមមកពីខេត្តចំនួន ១៨ ក្រុម និង ក្រុម ភ្នំពេញហ្គាឡាក់ស៊ី ដែលត្រូវប្រជែងគ្នាដណ្តើមយកជើងថ្នាក់ខេត្ត។ ការប្រកួតថ្នាក់ខេត្តរដូវកាលនេះកាន់តែតឹងតែង ជក់ចិត្ត និងគួរឲ្យចាប់អារម្មណ៍ជាងមុន ដោយសារក្រុមតាមខេត្តនីមួយៗកំពុងរៀបចំក្រុមបានល្អ ក្នុងនោះពួកគេនាំចូលកីឡាករថ្មីៗដែលមានបទពិសោធ និងកីឡាករបរទេសថែមទៀត។ ស្របពេលជាមួយគ្នានេះ ក្រុមតាមខេត្តនីមួយៗក៏កំពុងដុតដៃជើងដើម្បីរៀបចំទីលានប្រកួតឲ្យកាន់តែទំនើប ហើយក៏មានខេត្តខ្លះកំពុងកសាងកីឡដ្ឋានថ្មីថែមទៀត។

រម្លឹកជ័យលាភីថ្នាក់ខេត្ត លើកទី១៩ ក្រុមខេត្តកំពង់ចាម ជាម្ចាស់ជើងឯក ហើយក្រុម ឡាយអ៊ិនឃីហ ខេត្តសៀមរាប ទទួលបានចំណាត់ថ្នាក់លេខ ២ និងក្រុមខេត្តត្បូងលេខ ៣។

ជើងឯក៖ ក្រុមខេត្តកំពង់ចាម ទទួលបានពានជើងឯក មេដាយមាស និងប្រាក់រង្វាន់ ២០ លានរៀល
លេខ២៖ ក្រុមឡាយអ៉ិនឃីង ខេត្តសៀមរាប ទទួលបានមេដាយប្រាក់ និងប្រាក់រង្វាន់ ១០ លានរៀល
លេខ៣៖ ខេត្តត្បូងឃ្មុំ ទទួលបានមេដាយសំរិទ្ធ និងប្រាក់រង្វាន់ ៨ លានរៀល
ក្រុមយុត្តិធម៌ជាងគេ ៖ ក្រុមខេត្តត្បូងឃ្មុំ ទទួលបានពាន Fair Play និងប្រាក់រង្វាន់ ៤ លានរៀល
កីឡាកររកបានគ្រាប់បាល់ច្រើនជាងគេ៖ កីឡាករ សារី តៃម៉ូ មកពីក្រុមខេត្តត្បូងឃ្មុំ ទទួលពានស្បែកជើងមាស និងប្រាក់រង្វាន់ ២ លានរៀល
កីឡាករល្អជាងគេ៖ កីឡាករ សារី តៃម៉ូ មកពីខេត្តត្បូឃ្មុំ ទទួលបានពានកីឡាករល្អ និងប្រាក់រង្វាន់ ២ លានរៀល
អ្នកចាំទីល្អ៖ កីឡាករ ទិត្យ ហាំណាវ៉ៃ មកពីក្រុមខេត្តកំំពង់ចាម ទទួលបានស្រោមដៃមាស និងប្រាក់រង្វាន់ ២ លានរៀល
គ្រូបង្វឹកល្អ៖ ចាន់ សុផល មកពីក្រុមខេត្តកំពង់ចាម ទទួលពានគ្រូល្អ និងប្រាក់រង្វាន់ ២ លានរៀល

ខាងក្រោមជា ពូល សម្រាប់ការប្រកួតថ្នាក់ខេត្តរដូវកាលថ្មី