ជីវិតកម្សាន្ដ

ទីបំផុត Chompoo ព្រមទម្លាយមុខមាត់ពិតកូនស្រី និងប្រាប់មូលហេតុធំ ដែលដាក់ឈ្មោះថា ព្យុះ (មានវីដេអូ)

បានផុស

៣ years មុន

នៅ

ថ្ងៃចន្ទ ៤ មេសា ២០២២

ដោយ

កាលពីថ្ងៃទី ៣០ ខែមីនា តារាសម្ដែងស្រីលំដាប់ជួរមុខ Chompoo Araya សម្រាលបានកូនស្រីដ៏គួរឲ្យស្រលាញ់រហូតមហាជនជាច្រើន ចង់ឃើញមុខមាត់កូនស្រីនាង។ មិនបង្អង់យូរ ក្រោយសម្រាលបាន ៥ ថ្ងៃ ទើបតារារូបនេះ ព្រមទម្លាយមុខមាត់ពិតកូនស្រីជាទីស្រលាញ់ និងប្រាប់ពីអត្ថន័យឈ្មោះ ដែលនាងនិងស្វាមីសម្រេចចិត្តដាក់ថា Abigail ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនាពេលថ្មីៗនេះ Chompoo បានចូលរួមកម្មវិធី 3 zaaap តាមរយៈវីដេអូ Call ជាមួយ Aff Thaksorn អំពីអារម្មណ៍របស់នាង ក្រោយពេលសម្រាលកូនស្រី។ ទន្ទឹមនោះ នាងក៏បានលាតត្រដាងពីប្រភពដើមនៃឈ្មោះកូនស្រីដែលមានអត្ថន័យជ្រាលជ្រៅ ស្របនឹងឈ្មោះរបស់កូនប្រុសភ្លោះនាងដែរ។

នាងនិយាយទាំងទឹកមុខសើចថា “កូនស្រីខ្ញុំមានស្បែកសពណ៌ផ្កាឈូក ចំណែកសក់ខាងចុង មានពណ៌មាសបន្តិច ខ្ញុំពិតជារំភើបខ្លាំង ដែលកូនមានមុខមាត់កាត់មកខ្ញុំច្រើន តែយ៉ាងណា គេនឹងដើរតាមគន្លងរបស់ឪពុកគេ ជាងខ្ញុំហើយ ” ។

តារាសម្ដែងឆ្នើមរូបនេះ ក៏បានបញ្ជាក់ពីអត្ថន័យឈ្មោះ Abigail ថា វាពិតជាឡូយ និងគួរឲ្យស្រឡាញ់ តាំងពីដំបូងគឺយើងចូលចិត្តឈ្មោះនេះ ដោយយោងតាមទិន្នន័យព្យុះ Abigail ដែលកើតនៅឆ្នាំ ២០១៥ ដែលជាឆ្នាំដែលយើងរៀបការ ហើយជាឈ្មោះនៅក្នុងប្រភេទព្យុះ វាមើលទៅល្អឥតខ្ចោះខ្លាំង។ ចំណែកឈ្មោះហៅក្រៅ គឺ ” Nong Gale “” មានន័យថាខ្យល់ខ្លាំង៕

សូមទស្សនាវីដេអូខាងក្រោម

ប្រែសម្រួល៖ សាង ស្រីល័ក្ខ

ចុចអាន៖Chompoo សម្រាលបានកូនស្រីម្នាក់ដ៏គួរឲ្យស្រលាញ់ និងដាក់ឈ្មោះបែបនេះ (មានវីដេអូ)

ចុចអាន៖គួរឲ្យសរសើរ! អតីតគូស្នេហ៍ ថៃ ៦ គូ បែកបាក់គ្នាយូរហើយ តែចងមិត្តភាពដូចគ្រួសារតែមួយ