ព័ត៌មានអន្ដរជាតិ

រុស្ស៊ីបង្កើនប្រាក់រាប់ពាន់លានដុល្លារសម្រាប់ការចំណាយគ្រាអាសន្ន

បានផុស

៤ years មុន

នៅ

ថ្ងៃចន្ទ ១១ មេសា ២០២២

ដោយ

ប្រទេសរុស្ស៊ីបានបង្កើនមូលនិធិបម្រុងសម្រាប់ការចំណាយគ្រាអាសន្នចំនួន៣.៥២ពាន់លានដុល្លារអាមេរិក។ រដ្ឋាភិបាលរុស្ស៊ីបានប្រកាសការបង្កើនប្រាក់នេះកាលពីថ្ងៃអាទិត្យ ទី១០ ខែមេសា។

សេវាព័ត៌មាននៃទីស្តីការគណៈរដ្ឋមន្ត្រីបាននិយាយក្នុងសេចក្តីថ្លែងការណ៍មួយ ដោយសំដៅលើការរឹតត្បិតជាច្រើនលើរុស្ស៊ីពីអាមេរិក អឺរ៉ុប និងប្រទេសផ្សេងៗទៀតដែលបានឆ្លើយតបទៅនឹងប្រតិបត្តិការយោធារបស់ទីក្រុងមូស្គូនៅអ៊ុយក្រែនថា ៖«មូលនិធិនេះ នឹងត្រូវបានប្រើប្រាស់ដើម្បីអនុវត្តវិធានការនានាដែលមានគោលបំណងធានាស្ថិរភាពសេដ្ឋកិច្ចក្រោមពន្លឺនៃទណ្ឌកម្ម»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មូលនិធិបម្រុងរបស់រដ្ឋាភិបាលរុស្ស៊ីអាចត្រូវបានប្រើប្រាស់សម្រាប់ការចំណាយលើអ្វីមិនអាចដឹងទុកជាមុនដែលមិនត្រូវបានផ្តល់ដោយថវិការដ្ឋ។ ថវិកាពីមូលនិធិនេះត្រូវបានបម្រុងទុកសម្រាប់ដោះស្រាយផលប៉ះពាល់ជំងឺរាតត្បាតកូវីដ-១៩ និងការចំណាយសង្គម។

រដ្ឋាភិបាលកត់សំគាល់ថា ប្រភពសំខាន់នៃការបង្កើនរបស់មូលនិធិបច្ចុប្បន្នគឺប្រាក់ចំណូលថាមពលបន្ថែមដែលរុស្ស៊ីទទួលបានក្នុងត្រីមាសទី១ ឆ្នាំ២០២២ ពីតម្លៃប្រេង និងឧស្ម័នដែលឡើងខ្ពស់ជាប់កំណត់ត្រា។

កន្លងមក អាជ្ញាធររុស្ស៊ីបានសន្យាថា នឹងត្រៀមប្រាក់១២.៤ប៊ីលានដុល្លារអាមេរិកសម្រាប់ការឧបត្ថម្ភគាំទ្រវិបត្តិលើការចំណាយអាជីវកម្ម និងសង្គមដល់ក្រុមគ្រួសារ និងកូនៗទទួលរងពីសម្ពាធទណ្ឌកម្ម។ អ្នកវិភាគបាននិយាយថា វិធានការនេះនឹងធ្វើឡើងដែលភាគច្រើនគឺប្រាក់ចំណូលឆ្នាំនេះ៕

ប្រែសម្រួល៖ វីរបុត្រ
ប្រភព៖ RT

Related Topics:ប្រទេសរុស្ស៊ី

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា