លោកស្រី ម៉ែន សំអន អញ្ជើញបោះឆ្នោត នៅសាលាបឋមសិក្សាព្រះសីហនុ ខេត្តស្វាយរៀង

នៅថ្ងៃទី៥ ខែមិថុនា ឆ្នាំ២០២២ លោកស្រីកិត្តិសង្គហបណ្ឌិត ម៉ែន សំអន តំណាងរាស្ត្រមណ្ឌលស្វាយរៀង បានអញ្ជើញទៅចូលរួមបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅសាលាសាលាបឋមសិក្សាព្រះសីហនុ ខេត្តស្វាយរៀង។

លោកស្រីបានបញ្ចេញសិទ្ធិជាពលរដ្ឋក្នុងការបោះឆ្នោត ជ្រើសរើសក្រុមប្រឹក្សា ឃុំ-សង្កាត់ និងសង្ឃឹមថា ក្រុមប្រឹក្សាឃុំ-សង្កាត់ទាំងអស់នោះ នឹងបម្រើសេវាសាធារណៈនៅមូលដ្ឋានកាន់តែល្អប្រសើរបន្ថែមទៀត។

គួរបញ្ជាក់ថា នៅខេត្តស្វាយរៀង ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ មានចំនួន ៩ គណបក្សរួម៖ ១ គណបក្សប្រជាជនកម្ពុជា ២ គណបក្សភ្លើងទៀន ៣ គណបក្សហ៊្វុនស៊ិនប៉ិច ៤ គណបក្សខ្មែររួបរួមជាតិ ៥ គណបក្សសំបុកឃ្មុំសង្គមប្រជាធិបតេយ្យ ៦ គណបក្សប្រជាធិបតេយ្យមូលដ្ឋាន ៧ គណបក្សយុវជនកម្ពុជា ៨ គណបក្សកម្ពុជានិយម ៩ គណបក្សសញ្ជាតិកម្ពុជា។ មណ្ឌលបោះឆ្នោត មាន ៨០ មណ្ឌល ៩៨៤ ការិយាល័យ និងមានអ្នកបោះឆ្នោតចំនួន ៣៩១ ៦២២ នាក់៕

អត្ថបទ​​​​​​​​​​​​​​៖ ភក្ដី