ព័ត៌មានជាតិ

អគ្គិភ័យបំផ្លាញផ្ទះប្រជាពលរដ្ឋអស់២ខ្នង ខណៈម្ចាស់ផ្ទះរវល់មកលក់មាន់នៅផ្សារច្បារអំពៅ

បានផុស

៥ years មុន

នៅ

ថ្ងៃចន្ទ ២១ ធ្នូ ២០២០

ដោយ

អគ្គិភ័យមួយបានកើតឡើងកាលពីវេលាម៉ោង៩និង០០នាទីព្រឹកថ្ងៃទី២១ ខែធ្នូនៅក្រុមទី១៦ភូមិព្រែក សង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោក លី ហួត ជំនួយការសាលាសង្កាត់ច្បារអំពៅទី១បានប្រាប់ថា អគ្គិភ័យដែលបំផ្លាញផ្ទះប្រជាពលរដ្ឋអស់២ខ្នងស្ថិតនៅជាន់លើនេះ គឺមាន២គ្រួសារ ដែលគ្រួសារទី១ឈ្មោះ ចាន់ ទ្រី មានសមាជិក៦នាក់ មុខរបរលក់មាន់នៅផ្សារច្បារអំពៅ និងគ្រួសារទី២ឈ្មោះ ប៊ុត ថុល មានសមាជិក៥នាក់។ តាមប្រភពនៅកន្លែងកើតហេតុបានឲ្យដឹងថា នៅមុនពេលមានអគ្គិភ័យគេបានឃើញផ្សែងខ្មួលខ្មាញ់ផ្តើមចេញពីផ្ទះ ចាន់ ទ្រី បានប្រមាណតែ៥នាទីក៏ស្រាប់តែមានអណ្តាតភ្លើងផ្តើមឡើងពេញបន្ទុក ខណៈដែលខ្យល់បោកបក់យ៉ាងខ្លាំងធ្វើឲ្យកម្លាំងភ្លើងពេញបន្ទុក។ សាក្សីបន្តថា ភ្លាមៗនោះគេសង្កេតឃើញវត្តមានលោក ចេង មុនីរ៉ា អភិបាលខណ្ឌច្បារអំពៅ លោកអភិបាលរងខណ្ឌលោកចៅសង្កាត់ច្បារអំពៅទី១រួមទាំងលោកមេបញ្ជាការកងរាជអាវុធហត្ថខណ្ឌ អធិការនគរបាលខណ្ឌ បានចុះទៅអន្តរាគមន៍ដោយមានរថយន្តពន្លត់អគ្គិភ័យ១៦គ្រឿង ក្នុងនោះក៏មានរថយន្តពន្លត់អគ្គិភ័យរបស់បុរីប៉េង ហួត ចំនួន៣គ្រឿងមកបាញ់ពន្លត់ទាន់ពេលធ្វើឲ្យអគ្គិភ័យបំផ្លាញផ្ទះប្រជាប្រជាពលរដ្ឋអស់ចំនួន២ខ្នង ដោយពុំរាលដាលបន្តទៀត។

តាមការវាយតម្លៃពីសមត្ថកិច្ចបានឲ្យដឹងថា ករណីអគ្គិភ័យនេះផ្តើមឡើងដោយទុស្សេខ្សែភ្លើង ហើយក្នុងពេលកើតហេតុ គឺម្ចាស់ផ្ទះទាំង២ពុំនៅផ្ទះ ម្ចាស់ផ្ទះផ្តើមអគ្គិភ័យឈ្មោះ ចាន់ ទ្រី រវល់ទៅលក់មាន់នៅផ្សារច្បារអំពៅ ដោយឡែកម្ចាស់ផ្ទះមួយទៀតឈ្មោះ ប៊ុត ថុល រវល់ទៅខេត្តកំពង់ស្ពឺ។ ចំណែកលោកពៅ ហួត ចៅសង្កាត់ច្បារអំពៅទី១បានឲ្យដឹងថា ករណីនេះ ពុំមានរងរបួសដល់ប្រជាពលរដ្ឋណាម្នាក់ឡើយ។

ក្នុងនោះលោក ចេង មុនីរ៉ា អភិបាលខណ្ឌច្បារអំពៅ បានកោតសសើដល់កម្លាំងចំរុះដែលបានបញ្ចេញកម្លាំងជួយអន្តរាគមន៍ បានទាន់ពេលពិសេស គឺរថយន្តពន្លត់អគ្គិភ័យ ដែលរួសរាន់មកជួយអន្តរាគមន៍ទាន់ពេលទើបធ្វើឲ្យអគ្គិភ័យបានរលត់ទាំងស្រុង ដោយប្រើប្រាស់ពេលតែ២០នាទីប៉ុណ្ណោះ។ លោកអភិបាលខណ្ឌបានសំណូមពរដល់បងប្អូនប្រជាពលរដ្ឋសូមមេត្តាប្រុងប្រយ័ត្នពីបញ្ហាអគ្គិភ័យនេះព្រោះ ធ្វើឲ្យទ្រព្យសម្បត្តិយើងខូចខាតអស់គ្មានសល់តែមួយពព្រិចភ្នែក៕

អត្ថបទ៖ នរា

សូមចុចអាន៖ មានវីដេអូ ! អគ្គីភ័យឆេះផ្ទះប្រជាពលរដ្ឋជាន់ទី៣ ក្នុងសង្កាត់ច្បារអំពៅទី១

Related Topics:ខណ្ឌច្បារអំពៅ អគ្គិភ័យ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា