យន្តហោះឯកជនរបស់ Neymar ត្រូវបង្ខំចិត្តចុះចតជាបន្ទាន់

យោងតាមរបាយការណ៍ពីសារព័ត៌មាន​ Daily Mail បានឱ្យដឹងថា យន្តហោះឯកជនរបស់ខ្សែប្រយុទ្ធ Neymar នៃក្លិបអ្នកមានបារាំង PSG ត្រូវបង្ខំចុះចតជាបន្ទាន់ ក្រោយពេលចាកចេញពីកោះ Barbados។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបន្តថា ពេលត្រូវហោះហើរត្រឡប់ទៅស្រុកកំណើតរបស់ Neymar វិញ ស្រាប់តែត្រូវបង្ខំចិត្តប្រកាសអាសន្នតែម្ដង។ ទោះបីជាយ៉ាងណា គេនៅមិនទាន់ដឹងទេថា ខ្សែប្រយុទ្ធវ័យ៣០ឆ្នាំរូបនេះជិះក្នុងយន្តហោះដែរឬអត់ នៅពេលកើតហេតុ ហើយក៏មិនទាន់មានការបញ្ជាក់ដែរថា យន្តហោះនេះមានបញ្ហាអ្វីឱ្យប្រាកដ។

ស្របពេលជាមួយគ្នា Neymar បានចែករំលែករូបថតមួយសន្លឹកក្នុង Story Instagram ដែលបង្ហាញខ្លួនឯង និងប្អូនស្រីឈ្មោះ Rafaella ដែលកំពុងឈរលើផ្លូវរត់ ក្បែរយន្តហោះ។ កីឡាករសញ្ជាតិប្រេស៊ីលរូបនេះ ក៏បានចែករំលែករូបថតដែលថតចេញពីខាងក្នុងយន្តហោះ មើលពីលើទីក្រុង Miami ផងដែរនៅពេល ពួកគេជិះត្រឡប់មកពីវិស្សមកាលនៅសហរដ្ឋអាមេរិក៕

ប្រែសម្រួល៖ សន្យា

ប្រភព៖ Daily Mail

ចុចអាន៖ រថយន្ត Bugatti តម្លៃរាប់លានដុល្លាររបស់ Ronaldo ជួបឧបទ្ទវហេតុបុកជញ្ជាំង ខ្ទេចខាងមុខគ្មានសល់