កីឡា

មុនប៉ះគ្នាថ្ងៃស្អែក លោក Conor ថា ទ័ពជាក្រុមគ្រោះថ្នាក់ខ្លាំងជុំទី២នេះ

បានផុស

៤ years មុន

នៅ

ថ្ងៃសុក្រ ១៥ កក្កដា ២០២២

ដោយ

គ្រូបង្វឹកព្រះខ័នរាជស្វាយរៀងមើលឃើញថា ក្លឹប Tiffy Army FC ជាក្រុមមួយដ៏គ្រោះថ្នាក់ និងអាចមានលទ្ធផលល្អរាល់ពេលពួកគេជួបជាមួយក្លឹបនានានៅក្នុងខេមបូឌានព្រីមៀរលីគ២០២២សម្រាប់ជុំទី២នេះ។

ព្រះខ័នរាជស្វាយរៀងនឹងបើកទ្វារកីឡដ្ឋានរបស់ខ្លួនទទួលស្វាគមន៍ Tiffy Army FC សប្តាហ៍ទី១១ ជម្រើសជើងឯកខេមបូឌានព្រីមៀរលីគ វេលាម៉ោង៦:៣០នាទីល្ងាច ថ្ងៃសៅរ៍ ទី១៦ ខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនួបនេះអាចចាត់ទុកជាការប្រកួតគួរឲ្យចាប់អារម្មណ៍ និងជក់ចិត្តសម្រាប់អ្នកគាំទ្រ ដោយសារក្រុមទាំងពីរខ្លាំងដូចគ្នា។ អ្នកគាំទ្រដឹងហើយថា ព្រះខ័នរាជស្វាយរៀងកំពុងល្អតាំងពីជុំទី១មកម្ល៉េះ ហើយដល់ជុំទី២នេះក៏នៅតែល្អ និងមិនទាន់ស្គាល់បរាជ័យម្តងណាឡើយក្នុងចំណោម១០សប្តាហ៍។

ចំណែក Tiffy Army FC ឬក្រសួងការពារជាតិកាលពីជុំទី១មិនសូវគួរឲ្យចាប់អារម្មណ៍ទេ ប៉ុន្តែចូលជុំទី២នេះ ពួកគេមានកែទម្រង់គួរឲ្យចាប់អារម្មណ៍។ ជាក់ស្តែងការប្រកួតក្នុងសប្តាហ៍ទី១០កន្លងទៅ ក្រុមទ័ពមួយនេះបានស្មើជាមួយភ្នំពេញក្រោន។

លោក Conor Nester គ្រូបង្វឹកព្រះខ័នរាជស្វាយរៀង និងក្រុមការងារបានតាមដានយ៉ាងយកចិត្តទុកដាក់ចំពោះទម្រង់លេងរបស់ Tiffy Army ហើយក្រុមរបស់លោកក៏បានទៅទស្សនាផ្ទាល់ដែរនៅកីឡដ្ឋាន RSN នៅពេលប្រកួតជាមួយភ្នំពេញក្រោនកាលពីសប្តាហ៍មុន។

កីឡាករ Tiffy Army អបអរគ្រាប់បាល់លើភ្នំពេញក្រោន

លោក Conor Nester បានឲ្យដឹងថា ៖«ខ្ញុំ និងក្រុមការងារបានទៅមើលផ្ទាល់នៅ RSN។ ទ័ពជាក្រុមមួយដែលមានកីឡាករគ្រោះថ្នាក់ច្រើន។ បើយើងមើលទៅរបៀបលេងនៅវគ្គទី២ទល់នឹងភ្នំពេញក្រោន យើងឃើញថា ការលេងរបស់ទ័ពគ្រោះថ្នាក់។ ពួកគេនឹងមានលទ្ធផលល្អរាល់ពេលប្រកួតជាមួយក្រុមផ្សេងទៀតនៅលីគ។ ដូច្នេះយើងខ្ញុំដឹងថា យើងត្រូវតែប្រុងប្រយ័ត្នកម្រិតខ្ពស់មែនមែន»។

បន្ទាប់ពីចប់សប្តាហ៍ទី១០ ព្រះខ័នរាជស្វាយរៀង មាន២៨ពិន្ទុ កំពុងឈរលើកំពូលតារាងលីគ ក្រោយឈ្នះ៩ និងស្មើ១ ខណៈ Tiffy Army FC មាន៩ពិន្ទុ កំពុងឈរលេខ៧ បន្ទាប់ពីឈ្នះ២ ស្មើ៣ និងចាញ់៥៕

អត្ថបទ៖ វីរបុត្រ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា