ជីវិតកម្សាន្ដ

យក់ ឋិតរដ្ឋា ចេញមុខប្រតិកម្មក្រោយមានគេថា ខ្លួនជាមនុស្សអាក្រក់បោកប្រាស់

បានផុស

៤ years មុន

នៅ

ថ្ងៃអង្គារ ១៩ កក្កដា ២០២២

ដោយ

តារាចម្រៀង អ្នកនាង យក់ ឋិតរដ្ឋា បានបញ្ចេញប្រតិកម្មភ្លាមៗបន្ទាប់ពីមានការរិះគន់ធ្ងន់ៗថា នាងជាមនុស្សអាក្រក់កុហកបោកប្រាស់។ ក្នុងនោះអ្នកនាង យក់ ឋិតរដ្ឋា ក៏បានផ្តាំដែរថា បុគ្គលដែលនិយាយដើមខ្លួនប្រយ័ត្នស្លាប់ទៅគ្មានអ្នកហែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង យក់ ឋិតរដ្ឋា បានរៀបរាប់ភ្ជាប់ខ្លឹមសារថា កុំខំប្រឹងនៅក្រោយខ្នងខ្ញុំទាំងពីរទៅប្រាប់គេគ្រប់គ្នាថា ខ្ញុំជាមនុស្សអាក្រក់បោកប្រាស់គេអី ហើយក៏កុំខំប្រឹងមកលាបពណ៌ខ្ញុំទាំងពីរពេក កុំដើម្បីតែខ្លួនឯងល្អ កុំខំនិយាយបំផ្លាញគេពេក ទេវតាមានភ្នែកព្រះនៅលើក្បាលណាត្រូវចាំ !។

តារាចម្រៀងជើងចាស់អ្នកនាង យក់ ឋិតរដ្ឋា បានបន្តទៀតថា ប្រយ័ត្នពេលស្លាប់ទៅគ្មានអ្នកហែខ្មោច ស្តាប់ធម៌ខ្លះទៅចាស់ហើយប្រយ័ត្នអត់មានអ្នកហែខ្មោច កុំឱ្យគេស៊ីបបរខ្មោចហើយគេនិយាយដើមទៀតខ្មាសគេអស់ម៉ាស្រុក។ ទោះបីជាយ៉ាងណាងអ្នក នាង យក់ ឋិតរដ្ឋា មិនបានបញ្ចេញឈ្មោះបុគ្គល ដែលមានបំណងអាក្រក់លើខ្លួនឡើយ។

សូមជម្រាបដែរថាអ្នកនាង យក់ ឋិតរដ្ឋា កន្លងមកត្រូវបានគេចាំថា បន្ទាប់ពីនាងបានសាងឈ្មោះល្បីលើវិថីសិល្បៈមួយរយៈមកនោះ គឺតារាស្រីរូបនេះក៏បានដកខ្លួនចេញពីអាជីពចម្រៀងជាច្រើនឆ្នាំដោ យទៅសម្ងំបើកអាជីពរកស៊ីផ្ទាល់ខ្លួនស្ទើរភ្លេចសិល្បៈទៅហើយ។ ប៉ុន្តែយ៉ាងណាមិញក្រោយរសាត់ឆ្ងាយពីសិល្បៈអស់មួយសន្ទុះធំអ្នកនាង យក់ ឋិតរដ្ឋា កាលពីថ្មីៗនេះក៏លេចវត្តមានឡើងវិញជាមួយការប្រកាសវិលចូលវិស័យចម្រៀង ដែលខ្លួនធ្លាប់បោះបង់យូរឆ្នាំកន្លងទៅហើយ៕