Kylie Jenner រងការរិះគន់ចាស់ដៃ ក្រោយជួបអ្នកគាំទ្រ

តារាស្រី Kylie Jenner កំពុងទទួលរងការរិះគន់យ៉ាងចាស់ដៃលើបណ្តាញអ៊ីនធឺណិត ចំពោះអាកប្បកិរិយាមិនល្អ និងទឹកមុខធុញទ្រាន់ ខណៈកំពុងថតរូបជាមួយអ្នកគាំទ្រ ។

បន្ទាប់ពីកម្មវិធីសម្ពោធគ្រឿងសំអាង Kylie Cosmetics នៅក្រុមហ៊ុន Ulta Beauty ក្នុងទីក្រុង Los Angeles កាលពីថ្ងៃពុធ នាងក៏បានបង្ហោះវីដេអូបង្ហាញពីសកម្មភាពរបស់នាង ពេលកំពុងឈរថតរូបជាមួយអ្នកគាំទ្រនៅលើបណ្តាញសង្គម TikTok ។

ប៉ុន្តែវីដេអូនោះបែរជាទទួលរងការរិះគន់យ៉ាងចាស់ដៃ ចំពោះអាកប្បកិរិយាមិនល្អ និងទឹកមុខធុញទ្រាន់របស់នាង ខណៈពេលថតរូបជាមួយអ្នកគាំទ្រ ដោយមានអ្នកបញ្ជេញមតិលើវីដេអូនោះថា “នាងមើលទៅមិនសប្បាយចិត្តទាល់តែសោះពេលថតជាមួយអ្នកគាំទ្រ” ខណៈអ្នកប្រើប្រាស់អ៊ីនធឺណិតខ្លះទៀតបានលើកឡើងថា “នេះមិនមែនជាទង្វើរដែលបញ្ជាក់ពីក្ដីស្រឡាញ់របស់នាងចំពោះអ្នកគាំទ្រឡើយ” ។

យ៉ាងណាមិញ Kylie Jenner មិនទាន់ធ្វើអត្ថាធិប្បាយជាសាធារណៈនៅឡើយទេ ចំពោះការរិះគន់នេះ ហើយក៏គ្មានប្រភពណាមួយសុំការឆ្លើយតបពីអ្នកតំណាងនាងបាននៅឡើយផងដែរ ៕

សូមទស្សនាវីដេអូខាងក្រោម៖

ប្រែសម្រួលដោយ ៖ នាងតូច

ចុចអាន៖ស្រាយពាក្យចចាមអារ៉ាម ថា Michael Jackson ស្លាប់ដោយសារប្រើផលិតផលធ្វើឲ្យស្បែក ស