Connect with us

ព័ត៌មានអន្ដរជាតិ

ចិនបញ្ជាឲ្យប្រព័ន្ធផ្សព្វផ្សាយអាមេរិកផ្តល់ព័ត៌មានលម្អិតស្តីពីស្ថានភាពរបស់ពួកគេត្រឹមពេលមួយសប្តាហ៍

បានផុស

នៅ

កាលពីថ្ងៃចន្ទ ទីក្រុងប៉េកាំងបានទុកពេលមួយសប្តាហ៍ឲ្យប្រព័ន្ធផ្សព្វផ្សាយអាមេរិកចំនួន ៦ ដើម្បីរាយការណ៍អំពីប្រតិបត្តិការរបស់ពួកគេនៅក្នុងប្រទេសចិន ។ បទបញ្ជានេះធ្វើឡើងនៅពេលដែលទីក្រុងវ៉ាស៊ីនតោនបានប្រកាសពីផែនការប្រតិបត្តិការរបស់អាមេរិកនៃក្រុមហ៊ុនប្រព័ន្ធផ្សព្វផ្សាយដែលមានមូលដ្ឋាននៅប្រទេសចិនចំនួន ៦ បន្ថែមទៀតជាបេសកកម្មបរទេស ។

ក្រសួងការបរទេសនៅទីក្រុងប៉េកាំងបានទាមទារឲ្យបណ្តាញសារព័ត៌មានរបស់សហរដ្ឋអាមេរិកប្រកាសជាលាយលក្ខណ៍អក្សរនូវព័ត៌មានអំពីបុគ្គលិក ហិរញ្ញវត្ថុ ប្រតិបត្តិការ និងអចលនទ្រព្យរបស់ពួកគេនៅប្រទេសចិនក្នុងរយៈពេល ៧ ថ្ងៃ ។ អ្នកនាំពាក្យលោក Zhao Lijian បានប្រាប់អ្នកយកព័ត៌មានកាលពីថ្ងៃចន្ទថា ចលនានេះពាក់ព័ន្ធនឹងប្រព័ន្ធផ្សព្វផ្សាយដែលមានមូលដ្ឋាននៅប្រទេសចិនដូចជា សាជីវកម្មផ្សព្វផ្សាយអាមេរិក (ABC) កាសែត Los Angeles Times វិទ្យុសាធារណៈរដ្ឋ Minnesota ការិយាល័យកិច្ចការជាតិ កាសែត Newsweek និងគេហទំព័រ Feature Story News ។

លោក Zhao បាននិយាយថា ប្រទេសចិនត្រូវបានបង្ខំឲ្យចាត់វិធានការចាំបាច់ និងតបទៅវិញទាំងស្រុងដើម្បីឆ្លើយតបទៅនឹងការគាបសង្កត់ដែលមិនសមហេតុផលរបស់អាមេរិក ។ ពួកគេមានភាពស្របច្បាប់ និងការការពារខ្លួនដោយយុត្តិធម៌ក្នុងគ្រប់ន័យទាំងអស់” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរូបនេះបានកត់សម្គាល់ថា រដ្ឋាភិបាលសហរដ្ឋអាមេរិកក្នុងប៉ុន្មានឆ្នាំថ្មីៗនេះបានដាក់កម្រិតដោយគ្មានការធានាលើទីភ្នាក់ងារសារព័ត៌មាន និងបុគ្គលិកចិននៅក្នុងសហរដ្ឋអាមេរិកដែលធ្វើឲ្យមានការលំបាកសម្រាប់ការងាររាយការណ៍ធម្មតារបស់ពួកគេ ។

លោក Zhao បាននិយាយថា បន្ទាប់ពីទីក្រុងវ៉ាស៊ីនតោនបានសម្រេចចិត្តកំណត់ប្រព័ន្ធផ្សព្វផ្សាយចិនចំនួន ៦ បន្ថែមទៀតជាបេសកកម្មការបរទេស ប្រទេសចិនកាលពីសប្តាហ៍មុនក៏បានរក្សាជំហរច្បាស់លាស់របស់ខ្លួនវិញផងដែរ ។ រដ្ឋាភិបាលក្រុងប៉េកាំងចង់ឲ្យសហរដ្ឋអាមេរិកផ្លាស់ប្តូរទិសដៅ កែលម្អការខូចខាត និងលុបចោលសេចក្តីសម្រេចចិត្តដែលជំរុញដោយចិត្តគំនិតសង្គ្រាមត្រជាក់ ។ លោកបាននិយាយថា ប៉ុន្តែភាគីអាមេរិកបានបង្កើនការបង្ក្រាបនយោបាយ និងការធ្វើឲ្យអាម៉ាស់ដល់ភ្នាក់ងារសារព័ត៌មាន និងបុគ្គលិកចិន ដូច្នេះវាបង្ហាញពីការលាក់ពុតរបស់អ្នកតស៊ូមតិបែបសេរីនៃសេរីភាពសារព័ត៌មាន ។

លោក Zhao បាននិយាយថា “ទីក្រុងវ៉ាស៊ីនតោនគួរតែបញ្ឈប់ការគាបសង្កត់នយោបាយរបស់ខ្លួន និងការរឹតត្បិតតាមអំពើចិត្តលើប្រព័ន្ធផ្សព្វផ្សាយចិន” ។

ចំណែករដ្ឋមន្រ្តីក្រសួងការបរទេសសហរដ្ឋអាមេរិកលោក Mike Pompeo បាននិយាយកាលពីសប្តាហ៍មុនថា ការកំណត់ប្រព័ន្ធផ្សព្វផ្សាយដែលមានមូលដ្ឋាននៅប្រទេសចិនចំនួន ៦ នៅសហរដ្ឋអាមេរិកជាបេសកម្មបរទេសនឹងជួយកាត់បន្ថយការឃោសនារបស់ចិន ខណៈបណ្តាញសារព័ត៌មាននានានឹងត្រូវកំណត់អត្តសញ្ញាណនិយោជិករបស់ខ្លួនទៅរដ្ឋាភិបាលសហរដ្ឋអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ RT

Helistar Cambodia - Helicopter Charter Services
Sokimex Investment Group
ព័ត៌មានជាតិ៨ នាទីutes មុន

កម្ពុជា កំពុងរងឥទ្ធិពលពីព្យុះទី៦ឈ្មោះ វីពផា (Wipha)

ព័ត៌មានអន្ដរជាតិ២៨ នាទីutes មុន

សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់

ព័ត៌មានជាតិ១០ ម៉ោង មុន

រដ្ឋបាលខេត្តប៉ៃលិន ប្រារព្ធទិវាមច្ឆាជាតិ ១ កក្កដា២០២៥ និង​ជំរុញ​ការ​ទប់ស្កាត់បទល្មើសនេសាទខុសច្បាប់

ព័ត៌មានជាតិ១១ ម៉ោង មុន

ថៃចង់ប្ដឹងកម្ពុជារឿងទាហានជាន់មីនក្នុងដីខ្លួនទៅUN÷ មេស៊ីម៉ាក់ ពន្យុះឱ្យថៃកាន់ដៃកម្ពុជាទៅICJ តែម្តងទៅ ព្រោះជាតុលាការរបស់UNស្រាប់

ព័ត៌មានជាតិ១១ ម៉ោង មុន

ប្រតិភូ​គណៈ​ចលនា​សាសនិកឥស្លាមកម្ពុជា អញ្ជើញ​ជួបសំណេះសំណាល និង​នាំ​យក​អំណោយ ឧបត្ថម្ភ​ជូនកងកម្លាំងជួរមុខ នៅស្រុកជាំក្សាន្ត ខេត្តព្រះវិហារ

Sokha Hotels

ព័ត៌មានពេញនិយម