ព័ត៌មានជាតិ
សម្ដេចតេជោ៖ទីតាំងល្បែងខុសច្បាប់នៅខេត្តកណ្តាលមាន ៧០០ ខណៈនៅភ្នំពេញមានជាង ១០០០ កន្លែង
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអះអាងថា បន្ទាប់ពីសម្ដេចចេញបញ្ជាឲ្យបង្ក្រាបបទល្មើសល្បែងស៊ីសងភ្លាម រហូតដល់ពេលនេះ នៅរាជធានីភ្នំពេញ បានរកឃើញកន្លែងលួចបើកល្បែងស៉ីសងជាង ១០០០ទីតាំង និងខេត្តកណ្ដាល រកឃើញជាង ៧០០ទីតាំង។ សម្ដេចតេជោ អះអាងបែបនេះ នៅក្នុងវេទិកាអន្តរសាសនាប្រឆាំងការជួញដូរមនុស្សលើកទី៦ នៅថ្ងៃទី២៩ ខែកញ្ញា ឆ្នាំ២០២២។
សម្ដេចតេជោ ហ៊ុន សែន បានថ្លែងថា បទល្មើសល្បែងស៉ីសងខុសច្បាប់គ្រប់ប្រភេទ គឺការងារអាទិភាពពាក់ព័ន្ធជាមួយនឹងគោលនយោបាយភូមិ ឃុំ សង្កាត់ មានសុវត្ថិភាព ដែលរាជរដ្ឋាភិបាលកម្ពុជា បានដាក់ឲ្យអនុវត្តជាច្រើនឆ្នាំមកហើយ ។ ប៉ុន្តែ ស្ថិតក្នុងរយៈពេលចុងក្រោយនេះ ជាពិសេស សម័យឌីជីថល បទល្មើសល្បែងស៉ីសងខុសច្បាប់ បែរជាកាន់តែកើតមានឡើងច្រើនទៅវិញ។ ជាមួយគ្នានេះ សម្ដេចតេជោ ហ៊ុន សែន បានណែនាំដល់សមត្ថកិច្ច និងអាជ្ញាធរគ្រប់ជាន់ថ្នាក់ ត្រូវរកឲ្យឃើញមេខ្លោងនៅពីក្រោយបទល្មើសល្បែងស៊ីសងខុសច្បាប់គ្រប់ប្រភេទ។
ពាក់ព័ន្ធនឹងការបង្ក្រាបនេះដែរ បើតាមលោក គង់ សោភ័ណ្ឌ អភិបាលខេត្តកណ្ដាល បានថ្លែងឲ្យដឹងកាលពីពេលថ្មីៗនេះថា ក្រោយការបង្ក្រាបបទល្មើសល្បែងស៊ីសងនៅក្នុងភូមិសាស្ត្រខេត្តកណ្ដាល គឺមានបុគ្គលមួយចំនួនដែលមានអំណាចបានទំនាក់ទំនងមកលោកផ្ទាល់ ដើម្បីស្នើសុំរកការអន្តរាគមន៍លើបទល្មើសល្បែងស៊ីសងទាំងនេះ។ ប៉ុន្តែយ៉ាង ណាក្ដី សំណើរកកិច្ចអន្តរាគមន៍នេះ ត្រូវបានលោក គង់ សោភ័ណ្ឌ ធ្វើការបដិសេធ ហើយជំរុញឲ្យអ្នកទាំងនោះ បើក្លា ហាន ទៅសុំសម្ដេចតេជោដោយផ្ទាល់ចុះ។ លោកអភិបាលខេត្ត ឆ្លើយតបដូច្នេះថា «កុំសុំខ្ញុំ ទៅសុំសម្ដេចតេជោទៅ ខ្ញុំរាយការណ៍ទៅសម្ដេចហើយ»។
ទន្ទឹមនេះ លោកអភិបាលខេត្តកណ្ដាលរូបនេះ ក៏បានបង្ហាញការប្ដេជ្ញាចិត្ត លុបបំបាត់ឲ្យអស់ទាំងស្រុងល្បែងស៊ីសងខុសច្បាប់គ្រប់ប្រភេទ ដែលជាអបាយមុខនាំឲ្យប៉ះពាល់ដល់សតិអារម្មណ៍ ពាលាអាវ៉ាសែ និងបង្កទៅជាបទល្មើសផ្សេង ៗនៅក្នុងសង្គម ផងដែរ៕
ដោយ៖ ធឿន វ៉ាន់សុង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង