គ្រាន់តែនាំចេញស្លឹកដំណាំ វៀតណាម រកចំណូលបានជាង ៦ លានដុល្លារ

វៀតណាមទាញចំណូលបានប្រមាណជាង ៦ លានដុល្លារពីការនាំចេញស្លឹកដំឡូងមី ស្លឹកឫស្សី ស្លឹកចេក និងស្លឹកផ្សេងៗទៀត ត្រឹមរយៈពេល ៨ ខែប៉ុណ្ណោះនៃឆ្នាំ ២០២២ ពោលចំណូលនេះកើនឡើងប្រមាណ ៤.៤ ភាគរយ បើធៀបនឹងរយៈពេលដូចគ្នាកាលពីឆ្នាំមុន ។

ក្នុងនោះ វៀតណាមនាំចេញស្លឹកដំឡូងមីមានទំហំធំជាងគេ ប្រមាណជាង ១.៦ លានដុល្លារ បន្ទាប់មកស្លឹកឫស្សី ចំនួន ១.១ លានដុលា្លរ ខណៈស្លឹកចេករកចំណូលបាន 0.៨៤ លានដុល្លារ, ស្លឹកដំឡូងជ្វា 0.៥២ លានដុល្លារ និងស្លឹក Dandelion រកបាន 0.៣៥ លានដុល្លារ ។

ទន្ទឹមនឹងនេះ ការនាំចេញស្លឹកដំណាំ ក៏ដូចជាស្លឹកឈើផ្សេងទៀតរបស់វៀតណាមមានទំហំទឹកប្រាក់ចំនួន ១.៦៦ លានដុល្លារ ។

ជាមួយគ្នានេះ នៅក្នុងខែសីហា ការនាំចេញស្លឹកដំឡូងមី និងដំឡូងជ្វា គឺមានចំនួនច្រើនជាងគេ ពោលស្លឹកដំឡូងមី កើនប្រមាណ ២៩ ម៉ឺនដុល្លារ ស្មើ ១០១.៣ ភាគរយ  ខណៈស្លឹកដំឡូងជ្វា កើន ៩៣ ពាន់ដុល្លារ ស្មើ ១១៥.៤ ភាគរយ លើសពីរយៈពេលដូចគ្នា កាលពីឆ្នាំ ២០២១ ។ ដោយឡែក ស្លឹកឫស្សី ស្លឹកចេក និងស្លឹកនាំចេញផ្សេងៗទៀត គឹកើនឡើងក្នុងបរិមាណប្រហាក់ប្រហែលគ្នាទាំងអស់ ៕

ប្រែសម្រួលដោយ ៖ នាង រតនៈ

ប្រភព ៖ Soha

ចុចអាន ៖ សមាគមកាត់ដេរ ឡាវ គ្រោងជំរុញការផលិត និងលក់ផលិតផលក្នុងស្រុក ជំនួសការនាំចូល