ចិត្តបុណ្យណាស់ Aum ទៅវត្តឧទ្ទិសកុសលជូនជនរងគ្រោះ ស្លាប់ក្នុងហេតុការណ៍សម្លាប់កុមារ

ក្នុងនាមជាតារាជួរមុខលំដាប់ប្រទេស និងជាមនុស្សមានចិត្តសប្បុសផង Aum Patcharapha បានទៅវត្តធ្វើបុណ្យឧទ្ទិសកុសលជូនជនរងគ្រោះក្នុងហេតុការណ៍សម្លាប់កុមារ និងមនុស្សពេញវ័យចំនួន ៣៨នាក់ ដែលស្លាប់កាលពីថ្ងៃព្រហស្បតិ៍មុន។

មួយថ្ងៃក្រោយហេតុការណ៍សម្លាប់រង្គាល នៅខេត្ត Nong Bua Lamphu គេប្រទះឃើញកំពូលតារាស្រី Aum Patchrapa បានទៅវត្តប្រគេនចង្ហាន់ព្រះសង្ឃ និងធ្វើបុណ្យឧទ្ទិសផលបុណ្យជូនជនរងគ្រោះ ជាមួយនឹងគ្រូបង្ហាត់របស់នាង។ បន្ទាប់ពីធ្វើបុណ្យរួច Aum បានបង្ហោះ​រូប​ចូល​ក្នុង IG របស់​ខ្លួន អមជាមួយខេបសិនបង្ហាញពីអារម្មណ៍សោកស្ដាយរបស់នាងថា “ខ្ញុំសូម​ចូលរួម​រំលែក​ទុក្ខ​ចំពោះ​គ្រួសារ​ដែល​បាន​បាត់បង់​សមាជិកទាំងអស់។ តាំងពីបានលឺដំណឹងដ៏សោកសៅនេះមក ខ្ញុំមានអារម្មណ៍ក្រៀមក្រំណាស់។ ដូច្នេះ ថ្ងៃនេះ ខ្ញុំសូមឧទ្ទិសបុណ្យកុសល ចំពោះ​អ្នក​ស្លាប់​ទាំងអស់ ​នៅក្នុងឧបទ្ទវហេតុ ​នៅ​ខេត្ត​ Nong Bua Lamphu ផង។ សូមវិញ្ញាណក្ខន្តជនរងគ្រោះទាំងអស់ទៅកាន់សុគតិភព”៕

ប្រែសម្រួល៖ សន្យា

ចុចអាន៖ ព្រះមហាក្សត្រ ថៃ យាងជួបគ្រួសារជនរងគ្រោះដែលស្លាប់ក្នុងហេតុការណ៍​សម្លាប់កុមារ