ព័ត៌មានជាតិ

អាជ្ញាធររៀបចំទីលានហាត់ប្រាណ នៅចន្លោះស្ពានព្រះមុនីវង្សចាស់-ថ្មី

បានផុស

៥ years មុន

នៅ

ថ្ងៃព្រហស្បតិ៍ ៣១ ធ្នូ ២០២០

ដោយ

ដោយសារតែ កង្វះទីលានសម្រាប់ឲ្យបងប្អូនប្រជាពលរដ្ឋរស់នៅតំបន់ច្បារអំពៅ មានកន្លែងសម្រាប់ហាត់ប្រាណ គឺអាជ្ញាធរខណ្ឌច្បារអំពៅ បានរៀបចំកន្លែងហាត់ប្រាណនៅចំចន្លោះស្ពានព្រះមុនីវង្សចាស់ ថ្មី ស្ថិតក្នុងសង្កាត់ច្បារអំពៅទី១ និងទី២ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីលោកពៅ ហួត ចៅសង្កាត់ច្បារអំពៅទី១បានប្រាប់កម្ពុជាថ្មីនៅរសៀលថ្ងៃទី៣១ខែធ្នូនេះថា ដោយសារមើលឃើញនូវការលំបាកទីលាន សម្រាប់ហាត់ប្រាណរបស់បងប្អូនប្រជាពលរដ្ឋរស់នៅប៉ែកខាងកើតស្ពានព្រះមុនីវង្ស ចាស់ ថ្មីទើបលោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅបានសម្រេចធ្វើសំណើសុំទៅសាលារាជធានីភ្នំពេញ សុំដីចន្លោះស្ពានទាំង២ធ្វើទីលានសម្រាប់ហាត់ប្រាណ។

លោក ពៅ ហួត បន្តថា កន្លងមកបងប្អូនប្រជាពលរដ្ឋតែងនាំគ្នាមកហាត់ប្រាណលើផ្លូវមុខផ្ទះបង្កឲ្យប៉ះពាល់ដល់ការធ្វើដំណើរ ពិសេសជាងនេះ គឺងាយនឹងជួបគ្រោះថ្នាក់ទៀតផង។ ហើយក្នុងនោះសាលារាជធានីភ្នំពេញ ក៏បានសម្រេចចេញថវិកាធ្វើទីលានហាត់ប្រាណជូនបងប្អូនប្រជាពលរដ្ឋដែលតែងតែយកផ្លូវសាធារណៈធ្វើជាកន្លែងហាត់ប្រាណនោះ។ ប្រជាពលរដ្ឋ បានសំដែងនូវក្តីរីករាយពេលឃើញអាជ្ញាធររៀបចំឲ្យមានកន្លែងហាត់ប្រាណ ដើម្បីថែរក្សាសុខភាពរបស់ពួកគាត់ដោយពុំចាំបាច់ចំណាយថវិកាផ្ទាល់ខ្លួនជួលទីតាំងសម្រាប់ហាត់ប្រាណនោះ៕

អត្ថបទ៖ នរា

សូមចុចអាន៖ គ.ជ.ប ជួបជាមួយអ្នកពាក់ព័ន្ធ ស្ដីពីការផ្ដល់សុពលភាព និងការផ្សាយបញ្ជីបោះឆ្នោតផ្លូវការឆ្នាំ ២០២០

Related Topics:ខណ្ឌច្បារអំពៅ