ព័ត៌មានជាតិ
ក្រសួងទេសចរណ៍ដាក់ផែនការ ៨ ចំណុច ទាក់ទាញទេសចរអន្តរជាតិឲ្យបានជាង ៧ លាននាក់ នៅ ៥ ឆ្នាំខាងមុខ
ក្រសួងទេសចរណ៍ ដាក់ចេញផែនការអាទិភាពចំនួន ៨ ចំណុច ដើម្បីទាក់ទាញទេសចរអន្តរជាតិឲ្យបាន ៧,៥ លាននាក់ និងទេសចរផ្ទៃក្នុងកើនដល់ ១៦ លាននាក់ នៅរយៈពេល ៥ ឆ្នាំ ខាងមុខ។
លោកបណ្ឌិត ជា បូរ៉ា រដ្ឋលេខាធិការក្រសួងទេសចរណ៍ បានឲ្យដឹងក្នុងពិធីបិទវគ្គបណ្ដុះបណ្ដាលស្ដីពីការអភិវឌ្ឍសមត្ថភាពមន្ត្រីរាជការក្នុងបរិបទឌីជីថល នៅថ្ងៃទី ២៨ តុលានេះថា ផែនការទាំង ៨ ចំណុច រួមមាន ៖ ទី១.ការអភិវឌ្ឍផលិតផល និងសេវាកម្មទេសចរណ៍ប្រកបដោយនវានុវត្តន៍ និងភាពច្នៃប្រឌិត, ទី២.ពង្រឹងគុណភាពសេវាកម្មទេសចរណ៍ឲ្យស្របតាមស្តង់ដារ, ទី៣.ជំរុញការបណ្ដុះបណ្ដាលជំនាញវិជ្ជាជីវៈទេសចរណ៍ និងជំនាញថ្មីៗបន្ថែម, ទី៤.សម្រួលការធ្វើដំណើរ និងដឹកជញ្ជូនទេសចរឲ្យមានភាពងាយស្រួល និងសុវត្ថិភាព, ទី៥.ពង្រឹងសមត្ថភាពសិក្សាទីផ្សារ និងផ្សព្វផ្សាយទេសចរណ៍កម្ពុជា, ទី៦.ជំរុញការប្រើប្រាស់បច្ចេកវិទ្យាថ្មីៗ ក្នុងវិស័យទេសចរណ៍, ទី៧.ដាក់ចេញគោលនយោបាយសំខាន់ៗ បន្ថែមទៀត ដើម្បីជំរុញការអភិវឌ្ឍវិស័យទេសចរណ៍, និង ទី៨.ពង្រឹងយន្តការអភិបាលកិច្ចទេសចរណ៍ និងការអភិវឌ្ឍធនធានមនុស្ស។
លោកបន្តទៀតថា ក្រសួងទេសចរណ៍ បានរៀបចំនូវគោលនយោបាយ និងផែនការសំខាន់ៗ ក្នុងការគ្រប់គ្រង និងអភិវឌ្ឍន៍វិស័យទេសចរណ៍ ដើម្បីទាក់ទាញទេសចរអន្តរជាតិឲ្យបានប្រមាណ ៧,៥ លាននាក់ និងទេសចរផ្ទៃក្នុងប្រមាណ ១៦ លាននាក់ នៅឆ្នាំ ២០២៨ ខាងមុខ។
តាមការសិក្សារបស់ក្រសួងទេសចរណ៍ បង្ហាញថា ស្របជាមួយនឹងការវិវឌ្ឍន៍យ៉ាងឆាប់រហ័សផ្នែកបច្ចេកវិទ្យា និងការកើនឡើង នៃតម្រូវការរបស់ភ្ញៀវទេសចរជាតិ និងអន្តរជាតិ គឺវិស័យឌីជីថលរូបនីយកម្ម បានក្លាយជាប្រធានបទដ៏សំខាន់ក្នុងការអភិវឌ្ឍវិស័យទេសចរណ៍ ហើយចុងក្រោយនេះ វិបត្តិជំងឺកូវីដ-១៩ ក្លាយទៅជាកាតាលីករជំរុញឲ្យការប្រើប្រាស់បច្ចេកវិទ្យា គឺជាដំណោះស្រាយកាន់តែមានភាពចាំបាច់ និងចំពេលវេលា សំដៅធានាឧត្ដមភាពប្រកួតប្រជែងរបស់វិស័យទេសចរណ៍ក្នុងបរិបទ នៃបដិវត្តន៍ឧស្សាហកម្ម ៤.០៕
អត្ថបទ ៖ សំអឿន
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS