ព័ត៌មានជាតិ

លោក វេង សាខុន៖ ប្រទេសជាតិមានសន្តិភាពទើបមានសមិទ្ធផល និងការអភិវឌ្ឍពេញលេញ

បានផុស

៤ years មុន

នៅ

ថ្ងៃអាទិត្យ ៣០ តុលា ២០២២

ដោយ

លោក វេង សាខុន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមការងារគណបក្សចុះមូលដ្ឋានបានមានប្រសាសន៍លើកឡើងថា សមិទ្ធផល និងការអភិវឌ្ឍដែលកម្ពុជាទទួលបានដូចសព្វថ្ងៃនេះ គឺដោយសារប្រទេសជាតិមានសុខសន្តិភាព និងស្ថិរភាពនយោបាយពេញលេញក្រោមការដឹកនាំដ៏ឆ្នើមបំផុតរបស់សម្ដេចតេជោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងពិធីសម្ពោធដាក់ឱ្យប្រើប្រាស់នូវអគារសិក្សា ១ខ្នង ដែលស្ថិតក្នុងបរិវេណសាលាបឋមសិក្សាអំពាក់១ ភូមិរពាក់១ ឃុំសេដា ស្រុកតំបែរ ខេត្តត្បូងឃ្មុំ កាលពីថ្ងៃទី ២៩ ខែតុលា ម្សិលមិញនេះ លោកវេង សាខុន បានលើកឡើងថា សមិទ្ធផល និងការអភិវឌ្ឍដែលកម្ពុជាអាចទទួលបានដូចសព្វថ្ងៃនេះ ព្រមទាំងការអភវិឌ្ឍធនធានមនុស្ស ដើម្បីជួយលើកស្ទួយ និងអភិវឌ្ឍន៍វិស័យអប់រំក៏ជាចំណុចអាទិភាពក្រោមការដឹងនាំរបស់សម្ដេច តេជោផងដែរ។

ម្យ៉ាងវិញទៀតលោកប្រធានក្រុមការងារ ក៏រំពឹងផងថា តាមរយៈ អគារសិក្សាថ្មី ១ខ្នងនេះ នឹងជួយលើកស្ទួយ ផ្តល់បរិយាកាសយ៉ាងល្អសម្រាប់លោកគ្រូ អ្នកគ្រូ ព្រមទាំងសិស្សក្នុងសាលាបឋមសិក្សាអំពាក់១ ទាំងអស់ ដើម្បីពង្រឹង និងពង្រីកចំណេះដឹងបន្ថែមទៀត។ មិនតែប៉ុណ្ណោះលោកក៏បានរំលឹកអំពីសមិទ្ធផលជាច្រើនដែលសម្រេចបានក្នុងរយៈពេលជាង ២០ឆ្នាំមកនេះ នៃការចុះជួយស្រុកតំបែរ ហើយសន្យាថានឹងបន្តចុះជួយ ដោះស្រាយរាល់បញ្ហា ចិញ្ចឹមចលនា និងគាំទ្រប្រជាពលរដ្ឋបន្តទៀត។

សូមជម្រាបថា អគារសិក្សា ១ខ្នង មានទំហំ ៩ម៉ែត្រ×៤០ម៉ែត្រ មានចំនួន ៥បន្ទប់ សាងសង់អស់រយៈពេល ៥ខែ ចាប់ពីខែឧសភា ដល់ ខែតុលាឆ្នាំ២០២២ និងចំណាយថវិកាអស់សរុប ៩៧,៤៧០ ដុល្លារអាមេរិក៕

ដោយ៖ ថារី

Related Topics:លោក វេង សាខុន