Connect with us

កីឡា

ប៉ះ បែលហ្ស៊ិក យប់មិញ, ម៉ារ៉ុក ធ្វើរឿងចម្លែកមួយ ក្រោយច្រៀងភ្លេងជាតិចប់

បានផុស

នៅ

ក្រុមបាល់ទាត់ជម្រើសជាតិម៉ារ៉ុកបានធ្វើរឿងដ៏ចម្លែកមួយក្នុងការប្រកួតវគ្គសន្សុំពិន្ទុតាមពូលជុំទី ២ ជាមួយនឹងបែលហ្ស៊ិក កាលពីយប់ថ្ងៃអាទិត្យ ទី២៧ ខែវិច្ឆិកា ក្នុងព្រឹត្តិការណ៍បាល់ទាត់ FIFA World Cup ឆ្នាំ២០២២ នៅប្រទេសកាតា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
អ្នកចាំទីដៃទីមួយ Yassine Bounou អំឡុងពេលច្រៀងភ្លេងជាតិ

រឿងចម្លែកនោះគឺ ម៉ារ៉ុក បានធ្វើការផ្លាស់ប្តូរអ្នកចាំទីនៅនាទីចុងក្រោយ បន្ទាប់ពីច្រៀងភ្លេងជាតិចប់ នៅមុនការប្រកួតចាប់ផ្ដើម ។ ប្រទេសអាហ្រ្វិកមួយនេះបានដាក់ឈ្មោះកីឡាករ Yassine Bounou ក្នុងជម្រើស ១១ នាក់ដំបូង ហើយអ្នកចាំទីលេខ ១ មួយនេះក៏បានឈរច្រៀងភ្លេងជាតិជាមួយមិត្តរួមក្រុមផងដែរ ។

អ្នកចាំទី Bounou

អ្វីដែលកាន់តែចម្លែកទៀតនោះ គេក៏ឃើញអ្នកចាំទីដៃទីមួយរូបនេះចេញរូបភាព ១១ នាក់ដំបូង ក៏ដូចជាចាប់ដៃជាមួយកីឡករបែលហ្សិក នៅលើអេក្រង់ទូរទស្សន៍ផងដែរ ។ ប៉ុន្តែក្រោយមកអ្នកចាំទី Bounou ត្រូវបានប្ដូរជំនួសវិញដោយអ្នកចាំទីដៃទី ២ គឺកីឡាករ Munir Mohand Mohamedi El Kajoui សម្រាប់ការប្រកួតជាផ្លូវការ ។

អ្នកចាំទី Bounou ចាប់ដៃជាមួយកីឡាករបែលហ្ស៊ិក ក្រោយច្រៀងភ្លេងជាតិចប់

ទន្ទឹមនោះ ក្នុងរយៈពេល ២៥ នាទីដំបូងនៃតង់ទីមួយ ពិធីកររបស់ទូរទស្សន៍ BBC ក៏បានអត្ថាធិប្បាយច្រឡំផងដែរ ដោយហៅអ្នកចាំទីដៃទីពីរ Munir ថាជាអ្នកចាំទីដៃទីមួយ Bounou ទៅវិញ បើទោះជាអ្នកចាំទី Munir ត្រូវកាមេរ៉ាថត និងជួយសង្គ្រោះបាល់ពីសំណាក់ខ្សែប្រយុទ្ធប៊ែលហ្សិក Michy Batshuayi ជាច្រើនលើកក៏ដោយ ។

អ្នកចាំទីដៃទីពីរ Munir ពេលថតរូប មុនការប្រកួត

គួរបញ្ជាក់ថា ក្រោយយកឈ្នះ ២-០ លើបែលហ្សិក, ក្រុមម៉ារ៉ុកឈរនៅលំដាប់ទី២ ក្នុងពូល F មាន ៤ ពិន្ទុស្មើក្រុមកំពូលតារាង ក្រូអាត ហើយការប្រកួតបន្ទាប់ ម៉ារ៉ុក នឹងត្រូវជួបជាមួយក្រុមបាតតារាងកាណាដា នៅថ្ងៃទី១ ខែធ្នូ វេលាម៉ោង ១០ យប់ ៕

អ្នកចាំទី Munir

ប្រែសម្រួលដោយ ៖ ជីវ័ន្ត

ប្រភព ៖ Daily Star

ចុចអាន ៖ ដឹងទេ ប្រទេស ណាតូ ណាខ្លះឡើងមកលេង World Cup នៅកាតា?

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម