ព័ត៌មានអន្ដរជាតិ

ប្រមុខ ណាតូ ថាមិនជាប់ពាក់ព័ន្ធជម្លោះជាមួយ រុស្ស៊ី ទេ ប៉ុន្តែនឹងបន្តផ្ដល់អាវុធឲ្យ អ៊ុយក្រែន

បានផុស

៣ years មុន

នៅ

ថ្ងៃពុធ ១៥ កុម្ភៈ ២០២៣

ដោយ

អគ្គលេខាធិការអង្គការណាតូ លោក Jens Stoltenberg បាននិយាយ នៅពេលមកដល់កិច្ចប្រជុំរដ្ឋមន្ត្រីការពារជាតិរបស់ប្លុកនេះកាលពីថ្ងៃអង្គារថា អង្គការណាតូមិនចាត់ទុកខ្លួនជាភាគីនៃជម្លោះជាមួយរុស្ស៊ីទេ ប៉ុន្តែនឹងបន្តផ្គត់ផ្គង់អាវុធទំនើប និងធុនធ្ងន់ជាងនេះទៅឲ្យអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Stoltenberg បញ្ជាក់ថា “ទាំងអង្គការណាតូ និងសម្ព័ន្ធមិត្តមិនមែនជាភាគីនៃជម្លោះនោះទេ ហើយអ្វីដែលយើងធ្វើក្នុងនាមជាសម្ព័ន្ធមិត្ត គឺផ្តល់ការគាំទ្រដល់អ៊ុយក្រែន ។ អ៊ុយក្រែនកំពុងការពារខ្លួនទប់ទល់នឹងរុស្ស៊ី ហើយជាការពិតណាស់ យើងមានសិទ្ធិក្នុងការជួយអ៊ុយក្រែនរក្សាសិទ្ធិស្វ័យការពារ ។

លោក Stoltenberg បាននិយាយថា ប្រភេទសព្វាវុធដែលផ្គត់ផ្គង់ដល់ប្រទេសអ៊ុយក្រែន បានកើនឡើងជាលំដាប់ ស្របទៅតាមអ្វីដែលសង្គ្រាមកំពុងវិវត្តន៍ទៅមុខដូចគ្នា ។

ប្រមុខណាតូរូបនេះអះអាងទៀតថា “ដំបូងឡើយ យើងផ្តោតសំខាន់តែលើមីស៊ីលប្រឆាំងរថក្រោះ Javelins ក៏ដូចជា អាវុធប្រឆាំងរថក្រោះធុនស្រាលជាដើម ហើយក្រោយមក យើងឃើញមានតម្រូវការជាបន្តបន្ទាប់ដូចជា កាំភ្លើងធំ និងប្រព័ន្ធខែលការពារដែនអាកាស ហើយសម្ព័ន្ធមិត្តក៏បានសម្រេចចាប់ផ្តើមបង្កើនការបញ្ជូនអាវុធទំនើបៗទាំងនោះទៅកាន់អ៊ុយក្រែន ។

គួរបញ្ជាក់ថា កាលពីថ្ងៃទី២៤ ខែកុម្ភៈ ឆ្នាំ២០២២ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការសឹកមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ខណៈរហូតមកដល់ពេលនេះ វាអូសបន្លាយពេលជិត ១ ឆ្នាំហើយ ។ បន្ទាប់មក លោកខាងលិចបានដាក់ទណ្ឌកម្មយ៉ាងខ្លាំងក្លាប្រឆាំងរុស្ស៊ី និងបង្កើនការផ្គត់ផ្គង់សព្វាវុធដល់រដ្ឋាភិបាលទីក្រុងកៀវ ដែលមានតម្លៃរាប់សិបពាន់លានដុល្លារ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ ប្រទេសអតីតសាធារណរដ្ឋសូវៀតចោទ រុស្ស៊ី ថាកំពុងផ្ដួលរំលំរដ្ឋាភិបាលរបស់ខ្លួន

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា