លិចទូកនៅកោះជម្លោះជប៉ុន ស្លាប់មនុស្សម្នាក់, ៦នាក់បាត់ខ្លួន

មនុស្សម្នាក់ស្លាប់ និង ៦ នាក់ទៀតបាត់ខ្លួន បន្ទាប់ពីទូកក្រឡាប់ ត្រូវបានគេប្រទះឃើញនៅក្នុងដែនទឹកនៃប្រជុំកោះ Senkaku ដែលគ្រប់គ្រងដោយទីក្រុងតូក្យូ ប៉ុន្តែក៏ត្រូវបានទាមទារដោយប្រទេសចិនផងដែរ។

វាមិនច្បាស់ទេថាតើ ទូកនេះលិចនៅទីណា ប៉ុន្តែកាលពីថ្ងៃអាទិត្យ ទាហានជើងទឹកជប៉ុន បានប្រទះឃើញវាអណ្តែតក្នុងទឹកភាគខាងជើងនៃកោះនេះ។

អ្នកនាំពាក្យឆ្មាំឆ្នេរសមុទ្រលោក Keisuke Nakao បានប្រាប់ AFP ថា នាវិកទាំងនោះ មានជនជាតិតៃវ៉ាន់ម្នាក់ និងឥណ្ឌូណេស៊ី៦នាក់។

អ្នកនាំពាក្យម្នាក់ទៀត គឺលោក Masaya Tokita បាននិយាយថា “នៅម៉ោងប្រហែល ៩:១៥នាទីព្រឹកថ្ងៃចន្ទ, អ្នកមុជទឹក បានរកឃើញសពមួយ នៅខាងក្នុងកាប៊ីន ហើយអត្តសញ្ញាណប័ណ្ណនៅលើសពបង្ហាញថា ជាបុរសជនជាតិឥណ្ឌូណេស៊ី”។

ក្រសួងការបរទេសតៃវ៉ាន់បានបញ្ជាក់នៅក្នុងសេចក្តីថ្លែងការណ៍មួយថា ទូកនេះគឺជាទូកនេសាទដែលចុះបញ្ជីដោយតៃវ៉ាន់ ហើយគេសង្ស័យថា លិចនៅជិតប្រជុំកោះ Senkaku៕

ប្រែសម្រួល៖ Vann Vann

ប្រភព៖ CNA

ចុចអាន៖ ក្មេងៗសិស្សសាលា ៤៩នាក់ស្លាប់ ក្នុងសោកនាដកម្មលិចទូក នៅ ប៉ាគីស្ថាន