ខេត្តមណ្ឌលគិរី មានសក្ដានុពលដំណាំកសិកម្មច្រើនប្រភេទមានផ្លែប៊ឺ កាហ្វេ

ខេត្តមណ្ឌលគិរី មានសក្ដានុពលលើវិស័យកសិកម្មច្រើនប្រភេទ ដោយសារការអំណោយផលអាកាសធាតុលល្អ។

លោក សុខ ឃាង ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរី មានប្រសាសន៍នៅថ្ងៃទី ០៦ ខែមេសានេះថា ខេត្តមណ្ឌលគិរីជាខេត្តមួយស្ថិតនៅតំបន់ភ្នំ មានសក្ដានុពល​ដំណាំបន្លែ ដូចជាស្ពៃក្ដោប​មានរសជាតិឆ្ងាញ់ស្រួយ​ ដោយសារអាកាសធាតុត្រជាក់ល្អ។

បច្ចុប្បន្នមានក្រុមហ៊ុន ចំនួន ៦ បញ្ជាទិញ​បន្លែពីខេត្តមណ្ឌលគិរី​សម្រាប់ផ្គត់ផ្គង់មករាជធានីភ្នំពេញ និងតាមបណ្ដាខេត្តផ្សេងៗ ដែលជាមធ្យមខេត្តមណ្ឌលគិរីអាចផ្គត់ផ្គង់បានរង្វង់ ១២ តោន។

ខេត្តមណ្ឌលគិរី មានសក្ដានុពលដំណាំមួយចំនួនទៀត ដូចជាដំណាំកាហ្វេ ដែលមានផ្ទៃដីដាំដុះ ៣៥១ ហិកតា បច្ចុប្បន្នកំពុងបណ្ដុះបណ្ដាលប្រជាជនបន្ថែមទៀត ក្នុងការ​ពង្រីកផ្ទៃដីដាំដុះ និង​ការរៀបចំការថែមទាំឱ្យតាមបច្ចេកទេស។

ក្រៅពីនេះ មានដំណាំសក្ដានុពលជាច្រើនទៀតដូចជា៖

ស្វាយចន្ទីមានផ្ទៃដីដាំដុះ ចំនួន ១ ១១១៥ ហិកតា។

​ដំឡូងមី ១៦ ៨៧៣ ហិកតា។

ដំណាំកកាវផ្ទៃដីដាំដុះប្រមាណ ៣ ពាន់ហិកតា។

ប៊ឺមានផ្ទៃដីដាំដុះ ៣០០ ហិកតា។

ក្រូចវល្លិ៍ មានផ្ទៃដាំដុះប្រមាណ ៤២ ហិកតា។

ដំណាំកៅស៊ូជាង ៤ ម៉ឺន ហិកតា៕