Lee Seung Gi ចាយលុយជាង ១០ ម៉ឺនដុល្លារ ដើម្បីរៀបចំអាពាហ៍ពិពាហ៍

ប្តីប្រពន្ធតារាសម្តែង Lee Seung Gi និង Lee Da In បានរៀបការកាលពីពេលថ្មីៗនេះ ក្នុងពិធីមង្គលការរបស់តារា ល្បីទាំងពីររូបនេះត្រូវបានឲ្យដឹងថាត្រូវចំណាយប្រាក់អស់ជាង ១០ ម៉ឺនដុល្លារអាមេរិក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាល្បីទាំងពីរបានរៀបការនៅសណ្ឋាគារប្រណិតមួយគឺ Grand InterContinental Seoul Parnas ដ៏ប្រណិត ជាពិសេស សាលអាពាហ៍ពិពាហ៍អាចផ្ទុកភ្ញៀវបានរហូតដល់ ៩៤០ នាក់ ហើយតម្លៃអប្បបរមាសម្រាប់ការកក់បន្ទប់ Grand Ballroom នេះគឺ ៧៦,០០០ ដុល្លារ។ បន្ទប់រៀបមង្គលការរួមមាន ច្រកទ្វារផ្កាដ៏ស្រស់បំព្រងដែលរៀនចំដោយផ្កាស្រស់និងចង្កៀងបំភ្លឺការតុបតែងមង្គលការមានតម្លៃចន្លោះពី ១៤ ៤០០ ដល់ ១៧ ៥០០ ដុល្លារ ។

គូស្នេហ៍ទាំងពីរក៏បានចាត់ចែងភ្ញៀវរបស់ពួកគេនូវម្ហូបប្រណិត ចាប់ពីបង្កងចំហុយរហូតដល់សាច់គោអាំងបែបហុងកុង ដោយម៉ឺនុយមុខម្ហូបនីមួយៗសុទ្ធសឹងតែត្រូវបានគេដឹងថាជាម្ហូបដែលមាន តម្លែថ្លៃបូករួមសេវាកម្មដ៏ប្រណិត។ ផ្អែកលើមុខម្ហូបដែលមានមនុស្សចូលរួមប្រហែល ៧០០ នាក់ តម្លៃម្ហូបត្រូវបានគេនិយាយថាប្រហែល ៩៨,៨០០ ដុល្លារ ។

លើសពីនេះ គូស្នេហ៍មួយគូនេះក៏ចេញថ្លៃចំណាយឲ្យក្រុមការងាររៀបចំដំណើរការពិធីមង្គលការ អស់ប្រមាណជាង ៣,៣៤០ ដុល្លារ នេះបូកនឹងការចំណាយលើការរៀបចំកាដូអំណោយអរគុណ ដែលផ្ញើជូនភ្ញៀវចំនួន ៧០០ នាក់ដែលចូលរួមក្នុងពិធីមង្គលការ ។

ដូច្នេះហើយ បើតាមអ្នកជំនាញប្តីប្រពន្ធតារាសម្តែង Lee Seung Gi និង Lee Da In បានចំណាយ ប្រាក់ប្រមាណ ១៥២,០០០ ដុល្លារ ក្នុងថ្ងៃពិសេសបំផុតនៃជីវិតរបស់ពួកគេ ៕

ប្រែសម្រួល៖នាងតូច

ចុចអាន៖ភរិយារបស់តួឯកប្រុសរឿង “មនុស្សកញ្ជ្រោង” ទម្លាយពីប្រភពមកុដពាក់ក្នុងថ្ងៃមង្គលការ