ព័ត៌មានជាតិ

ការស្តារប្រព័ន្ធលូ២០ខ្សែនៅរាជធានីភ្នំពេញ បានបញ្ចប់ជាស្ថាពរ

បានផុស

៤ years មុន

នៅ

ថ្ងៃអង្គារ ១៩ មករា ២០២១

ដោយ

អនុវត្តតាមការណែនាំពីលោក ឃួង ស្រេង អភិបាលភ្នំពេញ ដែលបានបញ្ជាឱ្យអង្គភាពលូទឹក បូមទឹក នៃមន្ទីរសាធារណការ និងដឹកជញ្ជូនរាជធានីភ្នំពេញ ធ្វើការស្ដារប្រព័ន្ធលូចំនួន២០ខ្សែ នៅកណ្ដាល និងនៅជាយរាជធានីភ្នំពេញ គិតមកដល់ពេលនេះ បានបញ្ចប់ជាស្ថាពរហើយ ដើម្បីសម្រួលប្រព័ន្ធផ្លូវទឹកហូរ ជៀសវាងការជន់លិចលំនៅដ្ឋានប្រជាពលរដ្ឋនៅរដូវវស្សាខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ដួង ចាន់សារ៉ាត់ ប្រធានអង្គភាពលូទឹក បូមទឹក នៃមន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងនៅព្រឹកថ្ងៃទី១៩ ខែមករានេះថា ចាប់តាំងពីខែកក្កដា ឆ្នាំ ២០២០មក ក្រុមការងារអង្គភាពលូទឹក បូមទឹក នៃមន្ទីរសាធារណការ និងដឹកជញ្ជូនរាជធានីភ្នំពេញ បានស្ដារលូ ចំនួន២០ខ្សែ ដើម្បីបើកមុខទឹករំដោះទឹកភ្លៀងនៅរដូវវស្សាខាងនេះដើម្បីជៀសវាងនូវការលិចលង់លំនៅដ្ឋានរបស់ក្នុងខណ្ឌចំនួន៨ នៅក្នុងរាជធានីភ្នំពេញ ដែលក្នុងនោះមានខណ្ឌចំនួន៥ នៅកណ្ដាលក្រុង និងខណ្ឌ៣ទៀត នៅជាយក្រុង គឺខណ្ឌសែនសុខ ខណ្ឌពោធិ៍សែនជ័យ និងខណ្ឌមានជ័យ។