James Ma សារភាពស្នេហ៍ Rinrada ចំពោះមុខឪពុកម្ដាយ

កាលពីប៉ុន្មានថ្ងៃមុន James Ma មិនបាន​និយាយត្រង់ៗនោះទេថា ខ្លួនលង់ស្រឡាញ់ Rinrada ប៉ុន្តែតារាប្រុសរូបនេះសារភាពថាលោកបានឆ្លងហួសបន្ទាត់មិត្តភក្តិជាមួយនាង និងចាត់ទុកនាងជាមនុស្សម្នាក់ពិសេសម្នាក់នៅក្នុងជីវិត។

ស្រាប់តែថ្មីៗនេះ James Ma បានប្រកាសជាសារធារណថា លោកពិតជាស្រឡាញ់ Rinrada ហើយថែមទាំងបានប្រាប់រឿងនេះឱ្យចាស់ទុំដឹងឮ ទោះបីជាខាងស្រីមិនទាន់ឆ្លើយយល់ព្រមក៏ដោយ។

ថ្លែងនៅក្នុងបទសម្ភាសន៍មួយ តារាសម្ដែង James Ma និយាយដោយលាក់លៀមថា ខ្លួនមិនចង់បន្តនៅក្នុងតំបន់មិត្តភក្តិជាមួយ Rinrada ទៀតឡើយ ក្រោយស្គាល់គ្នាអស់ពេលជាង ៥ឆ្នាំ។ លោលថា “នាងជាមនុស្សចិត្តទូលាយ និងចេះយកចិត្តទុកដាក់ជាមួយអ្នកដទៃ ទើបខ្ញុំចង់ស្គាល់នាងកាន់តែច្បាស់” ហើយតាមពិតទៅលោកបានសារភាពស្នេហ៍ឱ្យនាងដឹងរួចហើយ ទាស់តែពេលនេះខាងស្រីមិនទាន់ផ្ដល់ចម្លើយយល់ព្រម។

មិនតែប៉ុណ្ណោះ ដើម្បីបញ្ជាក់ក្ដីស្រឡាញ់ពិតចំពោះ Rinrada តារាប្រុសវ័យ ២៩ឆ្នាំរូបនេះ បានយករឿងខ្លួនប្រាប់ឪពុកម្ដាយឱ្យបានដឹង ហើយពួកគាត់ពិតជាសប្បាយចិត្ត និងបានចូលរួមត្រេមអរជាមួយលោកផងដែរ៕

ប្រែសម្រួល៖ សន្យា

ចុចអាន៖ មិនសារភាពត្រង់ៗ តែ James Ma ប្រាប់ថាចាត់ទុក Rinrada ជាមនុស្សពិសេស

ចុចអាន៖ ខកខានជិត ៥ឆ្នាំ កម្មវិធី Victoria’s Secret ប្រកាសត្រឡប់មកវិញ និងប្ដូរឈ្មោះថ្មី