មិនសារភាពត្រង់ៗ តែ James Ma ប្រាប់ថាចាត់ទុក Rinrada ជាមនុស្សពិសេស

បន្ទាប់ពីបង្ហាញខ្លួនជាគូស្នេហ៍ក្នុងរឿងភាគថៃ និងតែង​តែ​បង្ហាញ​រូបភាពស្និទ្ធស្នាលផ្អែមល្ហែមជាមួយគ្នា​ញឹកញយ ​ទស្សនិកជន​នាំគ្នាបង្អាប់តារាសម្ដែង James Ma និងតារាស្រី Rinrada Kaewbuasai ឱ្យចាប់ផ្ដើមមើលចិត្តគ្នា និងទាក់ទងគ្នាជាគូសង្សារ។

ទោះបីជាមានទស្សនិកជនព្រួតគ្នាបង្អាប់យ៉ាងណាក្ដី កន្លងមកអ្នកទាំងពីរតែងតែច្រានចោលការផ្គូផ្គង និងពាក្យចចាមអារ៉ាមស្នេហានានាដែលទាក់ទងនឹងខ្លួន ​ទើបតែថ្មីៗនេះប៉ុណ្ណោះ James Ma បាននិយាយនៅក្នុងបទសម្ភាសន៍ថា លោកចាត់ទុក Rinrada ជាមនុស្សពិសេសម្នាក់រួចទៅហើយ។

ពេលគេសួរដល់ទំនាក់ទំនងគូស្នេហ៍ ឬគូសង្សារ លោកបែរជាមិនឆ្លើយ និងតបទាំងញញឹមញញែមថា ខ្លួនហាក់ឆ្លងបន្ទាត់មិត្តភក្តិ ក្រោយស្គាល់គ្នាជាង ៥ឆ្នាំមក។ យ៉ាងណាមិញ ពេលនេះ James Ma មិនទាន់ប្រកាសទំនាក់ទំនងច្បាស់ការណាមួយនៅឡើយ ខណៈអ្នកគាំទ្រកំពុងទន្ទឹងចាំចម្លើយពីមាត់ពួកគេ និងបន់ស្រន់ឱ្យតារាប្រុសស្រីទាំងពីររូបក្លាយជាគូស្នេហ៍ពិតនៅពីក្រោយឆាក៕

ប្រែសម្រួល៖ សន្យា

ចុចអាន៖ James Jirayu បង្ហោះរូបគូស្នេហ៍លើកដំបូង ធ្វើឱ្យហ្វេនស្រីៗខូចចិត្តព្រាត

ចុចអាន៖ ទស្សនិកជនដេញសួរ​ Mario ក្រោយឃើញមិត្តស្រីស្លៀកឈុតកូនក្រមុំ