ព័ត៌មានជាតិ
នគរបាលរាជធានីភ្នំពេញជាង ៣,៤០០នាក់ ត្រូវបានដាក់ពង្រាយការពារសន្តិសុខសណ្ដាប់ធ្នាប់ស៊ីហ្គេម បានយ៉ាងល្អ
អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានអះអាងថា កម្លាំងនគរបាលរាជធានីភ្នំពេញជាង ៣,៤០០នាក់ ត្រូវបានដាក់ពង្រាយការពារសន្តិសុខសណ្ដាប់ធ្នាប់ និងសម្រួលចរាចរណ៍ នៅក្នុងព្រឹត្តិការណ៍ស៊ីហ្គេមលើកទី ៣២ ដែលប្រទេសកម្ពុជាធ្វើជាម្ចាស់ផ្ទះ ហើយទើបតែបញ្ចប់កាលពីយប់ថ្ងៃទី ១៧ ខែឧសភា។ ជារួមនៅក្នុងព្រឹត្តិការណ៍ស៊ីហ្គេមលើកទី ៣២នេះ គឺសន្តិសុខសណ្ដាប់ធ្នាប់ត្រូវបានធានា ១០០ភាគរយ។
លោកឧត្ដមសេនីយ៍ត្រី សាន សុខសីហា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានឲ្យដឹងថា លោកស្នងការ នៃស្នងការដ្ឋាននគរបាលរាជធានីភ្នំពេញ បានដាក់ចេញនូវបទបញ្ជា និងផែនការច្បាស់លាស់ ក្នុងការការពារសន្តិសុខសណ្ដាប់ធ្នាប់ និងសម្រួលចរាចរណ៍ សម្រាប់ព្រឹត្តិការណ៍ស៊ីហ្គេមលើកទី ៣២ ដែលទើបនឹងបញ្ចប់កាល ពីយប់មិញ។
អ្នកនាំពាក្យ នៃស្នងការនគរបាលរាជធានីភ្នំពេញ ឲ្យដឹងបែបនេះថា «ស្នងការដ្ឋាននគរបាលរាជធានីភ្នំពេញ ក្រោមការដឹកនាំផ្ទាល់របស់ឯកឧត្ដម ឧត្ដមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានដាក់ចេញនូវបទបញ្ជា និងផែនការច្បាស់លាស់ ជាមួយគ្នានេះដែរគឺបានធ្វើការជួបប្រជុំជាច្រើនលើកច្រើនសារ ជាមួយលោក-លោកស្រីស្នងការរង លោកនាយការិយាល័យ លោកអធិការនគរបាលខណ្ឌទាំង ១៤ និងមន្ត្រីពាក់ព័ន្ធទាំងអស់សរុបជាង ៣,៤០០នាក់»។
លោកឧត្ដមសេនីយ៍ត្រី សាន សុខសីហា បានឲ្យដឹងបន្តថា កម្លាំងនគរបាលរាជធានីភ្នំពេញទាំងជាង ៣,៤០០នាក់នោះ គឺជាកម្លាំងត្រៀមប្រចាំបញ្ជាអន្តរាគមន៍ ២៤ម៉ោងលើ ២៤ម៉ោង, កម្លាំងចេញល្បាតនៅតាមគោលដៅនានា, កម្លាំងត្រៀមបង្ការពន្លត់អគ្គិភ័យ, កម្លាំងចរាចរណ៍ និងសណ្ដាប់ធ្នាប់។
លោកបានបញ្ជាក់ថា សម្រាប់ការការពារសន្តិសុខសណ្ដាប់ធ្នាប់ និងសម្រួលចរាចរណ៍ សម្រាប់ព្រឹត្តិការណ៍ស៊ីហ្គេមលើកទី ៣២ ដែលកម្ពុជាធ្វើជាម្ចាស់ផ្ទះបានប្រព្រឹត្តទៅយ៉ាងល្អ ជាពិសេសសន្តិសុខត្រូវបានពង្រឹង ១០០ភាគរយ។ «ជារួមទាំងកន្លែងប្រកួត កន្លែងស្នាក់នៅ កន្លែងកម្សាន្ដនានា ត្រូវបានពង្រឹង និងធានាបាននូវសន្តិសុខល្អ ១០០ភាគរយ»។ នេះជាការបញ្ជាកបន្ថែមរបស់លោកឧត្ដមសេនីយ៍ត្រី សាន សុខសីហា។
ប្រទេសកម្ពុជា បានធ្វើជាម្ចាស់ផ្ទះរៀបចំព្រឹត្តិការណ៍កីឡាស៊ីហ្គេមលើកទី ៣២ ចាប់ពីថ្ងៃទី ៥ ដល់ថ្ងៃទី ១៧ ខែឧសភា ឆ្នាំ ២០២៣។ ក្នុងពិធីបិទព្រឹត្តិការណ៍ស៊ីហ្គេម កាលពីយប់មិញ សម្ដេចតេជោ ហ៊ុន សែន បានថ្លែង ថា ថ្ងៃនេះ យើងពិតជាបានយល់នូវអ្វីដែលហៅថា កីឡារស់នៅក្នុងសន្តិភាព។ បើសិនជាចង់ឲ្យមានកីឡាបែបនេះ ត្រូវតែរួមជាមួយរាជរដ្ឋាភិបាល ការពារសន្តិភាពឲ្យបានគង់វង្ស៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ