BLACKPINK បំបែកឯកត្តកម្មរកចំណូលលើសពី ១០០ លានដុល្លារ ពីការប្រគំតន្ត្រី

ការប្រគំតន្ត្រីទេសចរណ៍ពិភពលោក Born Pink របស់ BLACKPINK បានលក់សំបុត្រលើសពី ១០០ លានដុល្លារ ហើយវាក៏ជាការប្រគំតន្ត្រីទេសចរណ៍ក្រុមចម្រៀងស្រីដែលរកចំណូលបានខ្ពស់បំផុតក្នុងប្រវត្តិសាស្ត្រតន្ត្រី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាពិសេសយោងទៅតាមទិន្នន័យរបស់ Touring Data កត់ត្រាថាសំបុត្រចំនួន ៥១៣,៥៥៨ ត្រូវបានលក់ដាច់អស់គ្មានសល់នៅពេលបច្ចុប្បន្ននេះ ដោយចាប់ផ្តើមពីប្រទេសកូរ៉េរបស់ពួកគេ BLACK PINK បានទាក់ទាញអ្នកគាំទ្រជាង ២០,០០០ នាក់ក្នុងរយៈពេល ២ យប់ជាមួយនឹងប្រាក់ចំណូលចំនួន ២.៣ លានដុល្លារ ។ ក្រុមនេះក៏មានការសម្តែងនៅអាមេរិកខាងជើងជាមួយនឹងការប្រគុំតន្ត្រីដែលលក់សំបុត្រអស់ជាច្រើននៅ Dallas, Houston, Atlanta, Chicago , Newark, Los Angeles និង Hamilton ។

ភាពល្បីល្បាញរបស់ក្រុមនេះមិនឈប់ឈរទេ នៅពេលដែលការប្រគំតន្ត្រីទេសចរណ៍ Born Pink នៅតែជាគោលដៅដ៏គួរឱ្យកត់សម្គាល់មួយនៅក្នុងទ្វីបអឺរ៉ុប និងអាស៊ី អ្វីដែលគួរឱ្យភ្ញាក់ផ្អើលជាងនេះទៅទៀតនោះ BLACKPINK បានបង្កើតកំណត់ត្រាថ្មីដោយមានការសម្ដែងតែ ៣៣ ដងប៉ុណ្ណោះ។ ក្រុមនេះនៅតែមានការសម្តែងបន្ថែមទៀត ដើម្បីបញ្ចប់ដំណើរការប្រគំតន្ត្រីទេសចរណ៍ Born Pink ដូច្នេះហើយ តួលេខនៃការលក់កាន់តែខ្ពស់និងធ្វើឱ្យសមិទ្ធិផលរបស់ពួកគេប្រសើរឡើង និងពង្រឹងជំហររបស់ពួកគេនៅក្នុងទីផ្សារតន្ត្រីពិភពលោក។

ទន្ទឹមនឹងនោះ កំណត់ត្រាថ្មីនេះនិងបង្ហាញពីឥទ្ធិពលរបស់ BLACKPINK ក្នុងវិស័យ K-Pop ជាពិសេសឧស្សាហកម្មតន្ត្រីទូទៅ នេះក៏ជាសក្ខីភាពមួយបង្ហាញពីសមត្ថភាពរបស់ពួកគេ ក្នុងការទាក់ទាញអ្នកគាំទ្រជុំវិញ ពិភពលោកផងដែរ ៕

ប្រែសម្រួល៖នាងតូច

ចុចអាន៖ប៉ូលិសទីក្រុងសេអ៊ូល សុំដីកាចាប់ខ្លួនតារាសម្តែង Yoo Ah In