មហាសេដ្ឋី ថៃ ៣ រូប សុទ្ធតែចាប់ផ្ដើមដំបូងជាអ្នកលក់តាមដងផ្លូវទាំងអស់

ប្រទេស​ថៃ​​ត្រូវ​បាន​គេ​ស្គាល់​ថា​ជា​ប្រទេស​ដំរី​សមាន​អ្នក​មាន​ច្រើន​ជាង​គេ។ យោងតាម​ទស្សនាវដ្ដី Forbes លោក Dhanin Chearavanont ជាប់ចំណាត់ថ្នាក់ជាមហាសេដ្ឋី​ថៃកំពូល។ ប្រភពនៃទ្រព្យសម្បត្តិរបស់មហាសេដ្ឋីរូបនេះបានមកពីអាជីវកម្មក្នុងវិស័យអាហារ ភេសជ្ជៈ និង​ថាមពល។

ខាង​ក្រោម​នេះ​គឺ​ជា​មហាសេដ្ឋី​ថៃ ៣​រូប​ សុទ្ធតែចាប់ផ្ដើមដំបូងជាអ្នកលក់តាមដងផ្លូវទាំងអស់។

១ លោក Dhanin Chearavanont

មហាសេដ្ឋី​មកពីប្រទេសថៃ Dhanin Chearavanont បាន​ទទួល​មរតក​ពី​ក្រុមហ៊ុន​គ្រួសារ Charoen Pokphand Group (CP Group) ។ លោកបាន​បញ្ចប់​ការសិក្សានៅសាកលវិទ្យាល័យហុងកុង រួម​ទាំង​ការ​បណ្ដុះបណ្ដាល​ពី​មហាវិទ្យាល័យ​ការពារ​ជាតិ​នៃ​ប្រទេស​ថៃ ហើយបាន​បញ្ចប់​ការ​សិក្សា​នៅ​ឆ្នាំ ១៩៥៦។ អាជីវកម្មរតីយាវហឺរបស់លោក Dhanin បាន​ចាប់ផ្ដើម​ជាមួយនឹង​អាជីវកម្ម​ដែល​គ្រប់គ្រង​ដោយឪពុករបស់គាត់ឈ្មោះ Chia Ek Chor ក្នុងឆ្នាំ ១៩២១។ នៅ​ពេល​នោះ​ឪពុករបស់គាត់ និងបងប្រុសរបស់គាត់ឈ្មោះ Choncharoen Chiaravanont បានបង្កើតអាជីវកម្ម​លក់គ្រាប់​ពូជ​នាំចូលពីប្រទេសចិនដល់កសិករថៃនៅ​តំបន់ Chinatown ។ Charoen Pokphand ត្រូវបានប្រើតែនៅក្នុងឆ្នាំ១៩៥៣ប៉ុណ្ណោះ។ នៅពេលនោះ បងប្រុសរបស់ Dhanin បានចាប់ផ្តើមពង្រីកអាជីវកម្មរបស់គ្រួសារគាត់ទៅក្នុងវិស័យចំណីសត្វ អស់រយៈពេល ៤៨ឆ្នាំ ហើយលោក Dhanin ជា​ប្រធាននិង​ជា​នាយក​ប្រតិបត្តិ។

បច្ចុប្បន្ន​នេះ ក្រុមហ៊ុន Charoen Pokphand Group គឺជាក្រុមហ៊ុនឯកជន​ដ៏ធំ​បំផុត​មួយ​នៅ​ក្នុង​ប្រទេសថៃ ដែលមាន​បណ្ដាញ​អាជីវកម្ម​ជាច្រើន​ដូចជា វិស័យ​កសិពាណិជ្ជកម្ម ម្ហូបអាហារ និង​ឧស្សាហកម្ម​ទូរគមនាគមន៍។ យោង​តាម​ទស្សនាវដ្តី Forbes ទ្រព្យសម្បត្តិរបស់ Dhanin Chearavanont មានចំនួន ១៦.២ ពាន់​លាន​ដុល្លារ។

២ លោក Charoen Sirivadhanabhakdi

លោក Charoen Sirivadhanabhakdi គឺជា​មហាសេដ្ឋី​ដែល​បាន​បង្កើតទ្រព្យសម្បត្តិរបស់គាត់​ដោយ​សារ​តែ​អាណាចក្រ​ភេសជ្ជៈ​គឺ Thai Beverage។ គាត់ក៏ជាប្រធានក្រុមហ៊ុន TCC Group Conglomerate និង Fraser and Neave Ltd.។ អាណាចក្រលក់រាយរបស់ Charoen រួមមាន​បណ្ដាញ​ផ្សារ​ទំនើប Big C Supercenter ដែល​ខ្លួន​ទទួល​បាន​ជាង ៦ ពាន់លាន​ដុល្លារ​ក្នុងឆ្នាំ ២០១៦។ មិនត្រឹមតែ​ប៉ុណ្ណោះ គ្រួសារ Charoen ក៏ជាក្រុមហ៊ុនអភិវឌ្ឍន៍ និងជាម្ចាស់អចលនទ្រព្យ​ដ៏​ធំ​បំផុត​របស់​ប្រទេសថៃ​ផងដែរ។ គេ​ស្គាល់​ថា​ លោក Charoen Sirivadhanabhakdi មក​ពី​គ្រួសារ​អ្នក​លក់ដូរ​តាម​ផ្លូវ។ គាត់ក៏បានចាកចេញពីសាលាទៅធ្វើការ។ លោក Charoen បាន​ចាប់ផ្ដើម​អាជីវកម្មរបស់គាត់​ដោយផ្គត់ផ្គង់រោងចក្រផលិត​ស្រាវីស្គីថៃ។ នៅពេលនោះ ក្រុមហ៊ុនបានក្លាយជារដ្ឋផ្តាច់មុខ។ តាមរយៈទំនាក់ទំនងទាំងនេះ គាត់ទទួលបាន​អាជ្ញាប័ណ្ណផលិតភេសជ្ជៈមាន​ជាតិអាល់កុលផ្ទាល់ខ្លួន​។ សម្រាប់ការខិតខំប្រឹងប្រែងរបស់គាត់ ទ្រព្យសម្បត្តិរបស់ Charoen Sirivadhanabhakdi ឈានដល់១៤.៣ពាន់លានដុល្លារអាមេរិកឯណោះ។

៣ លោក​ Sarath Ratanavadi

មហាសេដ្ឋី Sarath Ratanavadi មានទ្រព្យសម្បត្តិ ១១.៨ ពាន់លានដុល្លារអាមេរិក។ គេដឹងថាគាត់គឺ​ជានាយកប្រតិបត្តិនៃក្រុមហ៊ុន Gulf Energy Development ដែលជាក្រុមហ៊ុនផលិតអគ្គិសនី​ដ៏ធំបំផុត​មួយ​នៅ​ក្នុង​ប្រទេសថៃ។ គាត់បានយកក្រុមហ៊ុនជាសាធារណៈក្នុងឆ្នាំ ២០១៧ រៃអង្គាសប្រាក់​បានជាង ៧០០ លានដុល្លារ ដែលជា IPO ដ៏ធំបំផុតរបស់ប្រទេស​ក្នុងរយៈពេលមួយទសវត្សរ៍។ ក្រុមហ៊ុន Gulf Energy កំពុងបង្កើត​ក្រុមហ៊ុន​បណ្ដាក់ទុន​រួមគ្នា ជាមួយ​ក្រុមហ៊ុន​ប្រេង និង​ឧស្ម័ន​របស់រដ្ឋ PTT ដើម្បីសាងសង់ស្ថានីយ និងកំពង់ផែ LNG តម្លៃ ១.៣ ពាន់លានដុល្លារ​នៅ​ឆ្នេរសមុទ្រ​ភាគ​ខាងកើត​របស់​ប្រទេសថៃ។ នៅឆ្នាំ ២០២១ Sarath បានទិញភាគហ៊ុន​ភាគច្រើននៅក្នុងក្រុមហ៊ុន​ទូរគមនាគមន៍យក្ស InTouch Holdings ក៏ដូចជាអង្គភាពឥតខ្សែរប​ស់ខ្លួន Advanced Info Service (AIS)។

ទោះយ៉ាងណាក៏ដោយ មុនក្លាយជាអ្នកមានក្នុងប្រទេសថៃលោក Sarath Ratanavadi ក៏មកពីគ្រួសារលក់ដូរតាមដងខ្លូវដូចអ្នកទាំងពីរនៅខាងលើផងដែរ៕

ប្រែសម្រួល៖ សាង ស្រីល័ក្ខ

ចុចអាន៖លោក ថាក់ស៊ីន ក្លាយជាសេដ្ឋីថៃកើនទ្រព្យដល់ទៅ ១០០ លានដុល្លារ លើសឆ្នាំមុន

ចុចអាន៖មហាសេដ្ឋី ៧ រូបចាយលុយទិញនាឡិកាប្រណិត និងថ្លៃបំផុតលើលោក