ជីវិតកម្សាន្ដ
បំណងចុងក្រោយតារាជើងចាស់លោកតា មិន សារិន ចង់ជួបកូនស្រី បានសម្រេច
ដូចមហាជនបានដឹងហើយថា តារាសម្ដែងជើងចាស់ លោកតា មិន សារិន ហៅ ម៉ែន ដែលជាឪពុកបង្កើតរបស់អតីតតារាសម្តែងស្រីល្បីឈ្មោះ អ៊ុំ សុវណ្ណនី កន្លងទៅបានប្រកាសពីបំណងចុងក្រោយគឺចង់ជួបកូនស្រីដោយផ្ទាល់។
យ៉ាងណាមិញបន្ទាប់ពីបានប្រកាសបំណងចង់ជួបកូនក្នុងជីវិតចុងក្រោយមុនពេលស្លាប់ដោយការទន្ទឹងរង់ចាំផ្លូវកូនស្រីជាច្រើនខែមកនោះ ទីបំផុតពេលនេះលោកតា ម៉ែន បានសម្រេចបំណងនេះដោ យកូនស្រីគាត់ឡើងយន្តហោះពីអាមេរិកមកដល់ប្រទេសកម្ពុជាពិតមែន។
តារាជើងចាស់រូបនេះបានបញ្ជាក់ដឹងតាមទូរស័ព្ទថា ពេលនេះលោកតាបានជួបកូនស្រី អ៊ុំ សុវណ្ណនី ដែលជាអតីតតារាសម្ដែងក្នុងទសវត្សរ៍ឆ្នាំ១៩៨០ ដូចបំណងហើយ ដោយលោកតាបង្ហាញអារម្មណ៍ថា ពិតជាមានក្ដីរំភើបរីករាយណាស់ មិនចង់បានអ្វីពីកូនទេ ឱ្យតែបានជួបមុខកូន ក្រោយបែកគ្នាអស់ជាច្រើនឆ្នាំ។ លោកតា ម៉ែន សង្កត់ធ្ងន់ថា លោកតាស្លាប់ទៅបិទភ្នែកជិតហើយ។
លោកតា មិន សារិន ហៅ ម៉ែន បន្តទៀតថា ក្នុងនាមទឹកចិត្តជាឪពុក មានក្ដីនឹករលឹកចំពោះកូនមានទំហំធំធេងណាស់មិនអាចពណ៌នាអស់ទេ ហើយទឹកចិត្តរបស់កូនចំពោះឪពុកក៏ដូចគ្នាដែរ។ ដូច្នេះអាចនិយាយបានថា ការជួបគ្នារវាងលោកជាឪពុកជាមួយកូនស្រី អ៊ុំ សុវណ្ណនី ជាការជួបគ្នាប្រកបដោយក្ដីរីករាយ និងសប្បាយចិត្តជាទីបំផុត។
លោកតាបានឱ្យដឹងថា សម្រាប់បំណងរបស់លោកតាដែលចង់ជួបកូនក្នុងជីវិតចុងក្រោយនេះបានសម្រេចហើយ ហើយមិនត្រឹមតែបានដូចបំណងទេ តែក៏បានលាងជម្រះជ្រះនូវអារម្មណ៍ហ្មងសៅដែលធ្លាប់ខឹងកូនមិនមកជួបឪពុកនោះរលាយបាត់ទៅអស់ដែរ ដោយជំនួសមកវិញនូវអារម្មណ៍សប្បាយរីករាយ និងចង់ឃើញកូនសេចក្ដីសុខទៅមុខ។ លោកតា មានប្រសាសន៍ថា ពេលបានជួបគ្នាពិតជាសប្បាយរីករាយ និងបានដើរហូបចុកអាហារឆ្ងាញ់ៗនៅក្នុងហាងល្អៗផងដែរ។
គួរបញ្ជាក់ថា គិតរហូតមកដល់ពេលនេះលោកតា មិន សារិន ហៅ ម៉ែន មានវ័យជាង ៨០ឆ្នាំ ដោយនៅក្នុងវិស័យសិល្បៈផ្នែកសម្តែងភាពយន្ត មានមនុស្សជាច្រើនបានស្គាល់លោកយ៉ាងច្បាស់ ព្រោះលោកជាតារាសម្តែងជើងចាស់មួយដួងដែលមានវត្តមានក្នុងខ្សែភាពខ្មែរល្បីៗជាច្រើន៕
អត្ថបទ៖ ចាន់រ៉ា
-
ព័ត៌មានជាតិ១ សប្តាហ៍ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានជាតិ២ ថ្ងៃ ago
ប្រធានសមាគមសិល្បករខ្មែរ អ្នកឧកញ៉ា ម៉ៅ ចំណាន អញ្ជើញសួរសុខទុក្ខភរិយាអធិរាជសំឡេងមាស
-
ព័ត៌មានជាតិ៤ ថ្ងៃ ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ជីវិតកម្សាន្ដ៥ ម៉ោង ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ព័ត៌មានអន្ដរជាតិ១ សប្តាហ៍ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានជាតិ១ សប្តាហ៍ ago
កម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានជាតិ២ ថ្ងៃ ago
ស្ពានឆ្លងទន្លេពីដីឥដ្ឋ ភ្ជាប់ទៅផ្លូវល្បឿនលឿនភ្នំពេញបាវិត បន្តវឌ្ឍនភាពតាមការគ្រោងទុក
-
ចរាចរណ៍១ សប្តាហ៍ ago
រដ្ឋបាលរាជធានី ស្នើពលរដ្ឋដែលពុំមានការចាំបាច់ ពុំគួរធ្វើដំណើរឆ្លងកាត់តំបន់ទាំងនេះថ្ងៃ ១៧ ឧសភា