ព័ត៌មានជាតិ
ចាំតែស្ពានសង់រួច កោះនរា ហាងឆេងដី អាចហក់ដល់ ៣០០០ ដុល្លារក្នុងមួយម៉ែត្រការ៉េ
នៅពេលដែលក្រុងរណបកោះនរា កើតឡើងហាងឆេងដីនឹងហក់ឡើងខ្ពស់ ខណៈតម្លៃដីនៅភូមិកោះនរា ថ្លៃ១០០០ ដុល្លារក្នុង១ម៉ែត្រការ៉េ នឹងបន្តកើនដល់៣០០០ដុល្លារក្នុង១ម៉ែត្រការ៉េ ពេលការសាងសង់ស្ពាន រួមទាំងទីក្រុងរណបកោះនរាកើតចេញជារូបរាង។ នេះជាការលើកឡើងរបស់លោក អ៊ុង រ៉ូន ចៅរងទី១សង្កាត់និរោធប្រាប់កម្ពុជាថ្មីៗនេះ។
ហាងឆេងដីអាចខ្ពស់ជាងគេក្នុងរាជធានីភ្នំពេញ ព្រោះស្ថិតនៅកណ្តាលកោះដែលមានទឹកទន្លេនៅសង្ខាង។ បច្ចុប្បន្នអ្នកភូមិកោះនរាមួយចំនួន ក្លាយជាអ្នកមានទ្រព្យស្តុកស្តម្ភដោយសារត្រូវប៉ាន់ដី។
លោកអ៊ុង រ៉ូន បានបញ្ជាក់ទាំងទឹកមុខស្រស់ស្រាយថា ការអភិវឌ្ឍន៍តំបន់ ដែលពីមុនមិនមានអ្នកណាហ៊ានមករស់នៅ ព្រោះខ្លាចបាក់ច្រាំង ប្រែក្លាយជាតំបន់មាសដោយមិនដឹងខ្លួន។
តំបន់កោះនរា កំពុងប្រែក្លាយមុខមាត់ជាទីក្រុងរណបថ្មី បន្ទាប់ពីរដ្ឋាភិបាលបានប្រគល់សិទ្ធិអភិវឌ្ឍដល់ក្រុមហ៊ុន OCIC។ បច្ចុប្បន្នការដ្ឋានស្ពានបេតុងខ្សែកាបកំពុងស្ថាបនា ដើម្បីភ្ជាប់ចរាចរណ៍ពីម្ខាងទន្លេនៃទីក្រុងកោះពេជ្រមកតំបន់អភិវឌ្ឍកោះនរា។
លោក ពុង ឃាវសែ អគ្គនាយក និងជាក្រុមប្រឹក្សាភិបាលក្រុមហ៊ុន OCIC បានថ្លែងថា ការអភិវឌ្ឍទីក្រុងរណបថ្មីកោះនរា ប្រើប្រាស់ទុនវិនិយោគប្រមាណ ២,៥ ពាន់ដុល្លារ លើផ្ទៃដីប្រមាណ ១២៥ ហិកតា។ គម្រោងអភិវឌ្ឍទីក្រុងរណបថ្មីនេះ ក្រុមហ៊ុននឹងចំណាយថវិកាជាង ៥០០ លានដុល្លារ លើការអភិវឌ្ឍហេដ្ឋារចនាសម្ព័ន្ធ។
លោកថ្លែងបន្តថា តាមរយៈការវិនិយោគនេះ នឹងផ្ដល់អត្ថប្រយោជន៍ដល់សេដ្ឋកិច្ច និងសង្គមយ៉ាងច្រើន។
លោកអ៊ុង រ៉ូន ដែលជាអាជ្ញាធរមូលដ្ឋានបានរៀបរាប់ពីប្លង់អភិវឌ្ឍកោះនរា ពុំមែនសាងសង់តែស្ពានប៉ុណ្ណោះទេ។ តាមផែនការរួមមាន ការសាងសង់គ្រឹះការពារច្រាំងទន្លេ ចាក់ខ្សាច់ការពារកោះលាតសន្ធឹងរហូតដល់មុខវត្តវាលស្បូវ សង្កាត់វាលស្បូវ ខណ្ឌច្បារអំពៅទៀតផង។
ការសាងសង់ស្ពានមានចំនួន២គឺស្ពានទី១ ចេញពីកោះនរាឆ្ពោះទៅកោះពេជ្រមានទទឹង២៤.៥ម៉ែត្រនិងបណ្តោយ៦៤៦ម៉ែត្រ។ស្ពានទី២គឺតភ្ជាប់ពីផ្លូវកោះនរា (ផ្លូវមុខអគ្គនាយកដ្ឋានវិទ្យុនិងទូរទស្សន៍បាយន័)ឆ្លងទន្លេតូចដែលមានប្រវែង ៦០ម៉ែត្រនិងទទឹង២១ម៉ែត្រ៕
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម