បំណាក់ដីបំផ្លាញផ្លូវប្រវែង ៥០ ម៉ែត្រជិតទីក្រុងDa Lat ប្រទេសវៀតណាម

បំណាក់ដីបំផ្លាញផ្លូវប្រវែង ៥០ ម៉ែត្រតាមបណ្តោយច្រក Prenn ដែលជាច្រកទ្វារសំខាន់មួយទៅកាន់ទីក្រុងទេសចរណ៍ Da Lat ប្រទេសវៀតណាម ធ្វើឱ្យដី និងថ្មធ្លាក់ចូលទៅក្នុងជ្រលងភ្នំខាងក្រោម។ នេះបើយោងតាមការចេញផ្សាយរបស់សារព័ត៌មានVN Express​ នៅថ្ងៃទី១៨ខែវិច្ឆិកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បំណាក់ដីនេះបានកើតឡើងនៅជិតទឹកជ្រោះ Datanla ក្នុងខេត្ត Lam Dong បន្ទាប់ពីមានភ្លៀងធ្លាក់ខ្លាំងអស់រយៈពេលជាច្រើនថ្ងៃ។ បំណាក់ដីនេះបានបំផ្លាញផ្លូវថ្នល់ និងបានបំបែករបាំងការពារ ដែលបង្ខំឱ្យអាជ្ញាធរបិទច្រកនេះចាប់ពីថ្ងៃត្រង់ ហើយបង្វែរយានយន្តទាំងអស់ទៅកាន់ច្រក Mimosa ជំនួសវិញ។

ច្រក Prenn ដែលជាផ្លូវសំខាន់ប្រវែង ៧.២៧ គីឡូម៉ែត្រដែលភ្ជាប់ទីក្រុង Da Lat ជាមួយទីក្រុងហូជីមិញ ទើបតែបានឆ្លងកាត់ការធ្វើឱ្យប្រសើរឡើងដ៏សំខាន់ចំនួន ៥៥២ ពាន់លានដុង (២១ លានដុល្លារអាមេរិក) និងបានបើកឡើងវិញនៅក្នុងខែកក្កដា ឆ្នាំ ២០២៤ ប៉ុណ្ណោះ។

គួរបញ្ជាក់ថាតំបន់នេះមានបំណាក់ដីកើតឡើងជាញឹកញាប់ចាប់តាំងពីចុងខែតុលា រួមទាំងការរអិលបាក់ដីដ៏សាហាវមួយនៅថ្ងៃអាទិត្យនៅតំបន់ Khanh Le កប់ឡានក្រុងដឹកអ្នកដំណើរមួយគ្រឿង និងបានសម្លាប់មនុស្សប្រាំមួយនាក់៕

អត្ថបទ៖ ប៊ុន សុភាព