ជីវិតកម្សាន្ដ

លេចឮថា Lisa អាចនឹងចុះកុងត្រាជាមួយក្រុមហ៊ុនលំដាប់ពិភពលោក

បានផុស

៣ years មុន

នៅ

ថ្ងៃព្រហស្បតិ៍ ៧ កញ្ញា ២០២៣

ដោយ

ករណីផុតកុងត្រារបស់តារាចម្រៀងកូរ៉េ Lisa ជាមួយផលិតកម្ម YG Entertainmen មានប្រព័ន្ធផ្សព្វផ្សាយជាច្រើនបានផ្សព្វផ្សាយព័ត៌មានអំពីការបន្តកុងត្រារបស់ BLACKPINK ដែលនៅមិនទាន់ច្បាស់លាស់នូវឡើយ។ ក្នុងនោះផងដែរ សមាជិក៣រូបទៀតអាចនឹងនៅបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកសម្រាប់ Lisa នៅតែមិនទាន់លេចឮព័ត៌មានណាមួយថា នាងនឹងបន្តកុងត្រាឬបញ្ជប់នោះទេ។ ស្របពេលកាលពីពេលថ្មីៗនេះ អ្នកគាំទ្ររំភើបចិត្តយ៉ាងខ្លាំង ក្នុងពេលដែលស្លាកចម្រៀងដ៏ល្បីលើពិភពលោក UMG ឬ Universal Music Group បានបង្ហោះនៅលើ IG តាមរយៈការបង្ហោះរូបភាព Lisa កំពុងទៅលេងសមុទ្រ រួមជាមួយនឹងសារខ្លីមួយថា “Lalisa and the blue heart emoji”។

យ៉ាងណាមិញ រូបភាពដែលបង្ហោះដោយ UMG ទទួលការសាទរនិងបង្ហាញក្ដីរំភើបជំនួសនាងយ៉ាងខ្លាំង។ ក្នុងនោះផងដែរអ្នកគាំទ្រទូទាំងពិភពលោកគិតថា Lisa បានចុះកុងត្រាស្ងាត់ៗជាមួយក្រុមហ៊ុនយក្យនេះជាយូរមកហើយ។គ្រាន់តែនាងមិនបានប្រាប់ជាសាធារណៈប៉ុណ្ណោះ។

ទោះយ៉ាងណាក៏ដោយ Lisa ខ្លួននាងផ្ទាល់ធ្លាប់ធ្វើការជាមួយ Interscope Records ដែលជាស្លាកនៅក្រោម Universal Music Group ជាអ្នករៀបចំលក់ស្នាដៃរបស់ក្រុម BLACKPINK នៅខាងក្រៅអាស៊ី ហើយការបង្ហោះនេះត្រូវបាន tag ឲ្យ Lisa រួមទាំងការក្រុម BLACKPINK ផងដែរ។ ចំពោះរឿងរ៉ាវនឹងទៅជាយ៉ាងណា មហាជនត្រូវតែរង់ចាំស្តាប់ពីមាត់របស់ Lisa និងការប្រកាសពីភ្នាក់ងារផ្ទាល់៕