ព័ត៌មានជាតិ
គ្រូបង្គោលបារាំងជំនាញបង្ក្រាបគ្រឿងញៀន មកបង្រៀនមន្ត្រីនរគបាលកម្ពុជា រយៈពេល៥ថ្ងៃ
គ្រូបង្គោលជនជាតិបារាំង ជំនាញបង្ក្រាបគ្រឿងញៀន បានមកបណ្ដុះបណ្ដាលមន្ត្រីនគរបាលកម្ពុជាចំនួន២០រូប រយៈពេល៥ថ្ងៃ ចាប់ពីថ្ងៃទី០២ ដល់ថ្ងៃទី០៦ ខែតុលា ឆ្នាំ២០២៣។ វគ្គបណ្ដុះបណ្ដាលនេះ លេចចេញជារូបរាងឡើងក្រោមកិច្ចសហការណ៍រវាងនគរបាលជាតិកម្ពុជា និងនគរបាលជាតិបារាំង។
សម្រាប់វគ្គបណ្ដុះបណ្ដាលនៅលើទឹកដីកម្ពុជានេះ គ្រូបង្គោលជនជាតិបារាំង នឹងបណ្ដុះបណ្ដាលសិក្ខាកាមចំនួន២០រូប លើជំនាញ កំណត់អត្តសញ្ញាណគ្រឿងញៀន លំហូរគ្រឿងញៀនជាសកល រចនាសម្ព័ន្ធសម្រាប់ការប្រយុទ្ធប្រឆាំងការជួញដូរសារធាតុញៀននៅប្រទេសបារាំង ការប្រមូលភស្តុតាងមុនពេលចាប់ខ្លួន ការស៊ើបអង្កេតស្ថានភាពជុំវិញអ្នកជួញដូរ និងបច្ចេកទេស ពិសេសក្នុងការស៊ើបអង្កេត និងនិតិវិធីផ្លូវច្បាប់ជាច្រើនទៀត។
ក្នុងពេលបើកវគ្គបណ្ដុះបណ្ដាលជំនាញនេះ លោកស្រី មេបញ្ជាការនគរបាល Nathalie CARLIER អនុព័ន្ធសន្ដិសុខផ្ទៃក្នុងទទួលបន្ទុកប្រទេសកម្ពុជា បានគូសបញ្ជាក់ដល់សិក្ខាកាមកម្ពុជាថា វគ្គបំប៉នជំនាញនេះ មានការបង្រៀនផ្ទាល់ដោយគ្រូបង្គោលដែលមានជំនាញ និងបទពិសោធន៍យូរឆ្នាំ ដែលនឹងផ្តល់ជូនចំណេះដឹងល្អៗសម្រាប់សិក្ខាកាម ក្នុងការពង្រឹង និងពង្រីកសមត្ថភាពដើម្បីអភិវឌ្ឍន៍ការងារប្រកបដោយប្រសិទ្ធភាព ។លោកស្រី បានអំពាវនាវដល់សិក្ខាកាមដែលចូលរួម ក្នុងវគ្គបណ្តុះបណ្តាលត្រូវយកចិត្តទុកដាក់សិក្សា ផ្លាស់ប្តូរយោបល់ សួរសំនួរនៅត្រង់ចំណុចណាដែលមិនយល់ ដើម្បីទទួលបានចំណេះជំនាញពិតប្រាកដមួយដើម្បីយកទៅអនុវត្តជាក់ស្តែង។
ជាមួយគ្នានេះ លោក ម៉ក់ ជីតូ អគ្គស្នងការរងនគរបាលជាតិ ទទួលបន្ទុកប្រយុទ្ធប្រឆាំងបទល្មើសជួញដូរគ្រឿងញៀន បានចាត់ទុកវគ្គបំប៉នជំនាញបង្ក្រាបគ្រឿងញៀននេះ ថាមានសារសំខាន់បំផុតសម្រាប់នគរបាលជាតិកម្ពុជា ព្រោះមេរៀនដែលបានរៀបចំឡើងក្នុងវគ្គបំប៉ននេះ សុទ្ធតែជាមេរៀនសំខាន់ ដែលឆ្លើយតបទៅនឹងសភាពនៃឧក្រិដ្ឋកម្មគ្រឿង ញៀន ដែលកើតឡើងពេលបច្ចុប្បន្ន ។ លោក ម៉ក់ ជីតូ បានទទូចឱ្យសិក្ខាកាមប្រឹងប្រែងស្តាប់ យកចិត្តកត់ត្រា សាកសួរ ដកស្រង់យកបទពិសោធន៍ ត្រូវលើកឡើងនូវបញ្ហាដែលធ្លាប់ជួបជាក់ស្ដែងដោះស្រាយមិនចេញ ដើម្បីសុំយោបល់ពីសំណាក់គ្រូបង្គោលដែលមានចំណេះជំនាញ យកយកកែសម្រួលនូវរាល់ចំណុចខ្វះខាតរបស់នគរបាលកម្ពុជា។
បន្ថែមពីនេះ លោក ម៉ក់ ជីតូ អគ្គស្នងការរងនគរបាលជាតិ បានថ្លែងអំណរគុណចំពោះ នគរបាលនៃក្រសួងមហាផ្ទៃសាធារណៈរដ្ឋបារំាង ដែលបានចាត់តាំងលោកស្រីមេបញ្ជាការនគរបាល Nathalie CARLIER ក្នុងការសហការរៀបចំវគ្គបំប៉ននេះឡើង ដែលបានសបញ្ជាក់ឱ្យឃើញអំពីកិច្ចសហប្រតិបត្តិការយ៉ាងជិតស្និតរវាងព្រះរាជាណាចក្រកម្ពុជា និងសាធារណៈរដ្ឋបារំាង ដែលជាកិច្ចសហការប្រវត្តិសាស្ត្រមួយសម្រាប់នគរបាលជាតិនៃប្រទេសទាំងពីរ៕
ដោយ៖ ង៉ិល ណារ៉ាត់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត