ព័ត៌មានអន្ដរជាតិ
ស្ត្រីមានផ្ទៃពោះ ជាង៥ម៉ឺននាក់ និងទារកជាង៣ម៉ឺននាក់ កំពុងផឹកទឹកប្រៃ ឬទឹកកខ្វក់នៅ ហ្គាហ្សា
តាមឯកសារផ្ទៃក្នុងរបស់ក្រសួងការបរទេសអាមេរិក បានផ្តល់ព័ត៌មានលម្អិតអំពីមនុស្សរាប់ម៉ឺននាក់នៅតំបន់ហ្គាហ្សាផឹកទឹកប្រៃ និងទឹកកខ្វក់ ខណៈកាសែត Haaretz រាយការណ៍ថា ក្រសួងការបរទេសបានរកឃើញថា ស្ត្រីមានផ្ទៃពោះប្រហែល៥២០០០នាក់ និងទារកអាយុក្រោម៦ខែ ជាង៣០០០០នាក់ ក៏ត្រូវបង្ខំចិត្តផឹកទឹកប្រៃ ឬទឹកកខ្វក់ដែរ។
ហើយបើយោងតាមទីភ្នាក់ងារជំនួយកុមាររបស់អង្គការសហប្រជាជាតិ ហៅកាត់ Unicef, កុមារនៅក្នុងតំបន់ហ្គាហ្សា កំពុងប្រឈមមុខនឹងស្ថានភាពដ៏មហន្តរាយនេះ ដោយសារតែឪពុកម្តាយគ្មានជម្រើសអ្វីទៀតឡើយ។
លោក Toby Fricker អ្នកនាំពាក្យស្ថាប័ននេះ បានប្រាប់ BBC News ពីបញ្ហាដែលនៅតំបន់ ហ្គាហ្សា ប្រឈមមុខរួចទៅហើយ សូម្បីតែមុនពេលជម្លោះបច្ចុប្បន្ន ឈានដល់កម្រិតថ្មីមួយទៅទៀត។
ករណីមួយ លោកនិយាយថា “បុគ្គលិករបស់យើងម្នាក់ គាត់មានកូន២នាក់ ម្នាក់អាយុ៤ឆ្នាំនិងម្នាក់ទៀតអាយុ៧ឆ្នាំ ហើយគាត់ព្យាយាមធ្វើយ៉ាងណា ឲ្យកូនស្រីមានសុវត្ថិភាពដើម្បីរស់នៅប្រចាំថ្ងៃ”។
នាងបានរៀបរាប់អំពីរបៀបដែលពួកគេផឹកទឹកប្រៃ ហើយកូនស្រីនាងសួរនាងថា “ម៉ាក់! ហេតុអ្វីខ្ញុំមិនអាចផឹកទឹកធម្មតាដូចដែលយើងធ្លាប់ផឹកកាលពីមុន?”។
ទន្ទឹមនោះ លោក Fricker បានអំពាវនាវឲ្យមាន “បទឈប់បាញ់មនុស្សធម៌ជាបន្ទាន់” និងបង្កើនការផ្គត់ផ្គង់ជំនួយទៅកាន់តំបន់ហ្គាហ្សា នៅលើមូលដ្ឋាននិរន្តរភាព។
លោកគូសបញ្ជាក់ថា “អ្វីដែលយើងកំពុងមើលឃើញជារៀងរាល់ថ្ងៃគឺ កុមារត្រូវបានគេសម្លាប់ កុមាររងរបួស ពិការ។ ហើយនោះជាមូលកហេតុដែរថា រឿងចម្បងគឺត្រូវការពារអាយុជីវិតកុមារ និងរក្សាឲ្យកុមារនៅរស់រានមានជីវិត”។
អ៊ីស្រាអែល បានកាត់ផ្តាច់សេវាសំខាន់ៗដែលចាំបាច់សម្រាប់ប្រជាជននៅតំបន់ហ្គាហ្សា រួមទាំងអគ្គិសនី និងប្រេងឥន្ធនៈផងដែរ។ បុគ្គលិកសុខាភិបាលព្រមានថា កង្វះទឹកកំពុងបង្កការគំរាមកំហែងដល់ជំងឺឆ្លង៕
ប្រែសម្រួល៖ Vann Vann
ប្រភព៖ BBC
ចុចអាន៖ កុមារនៅហ្គាហ្សា ជាង៣០០០នាក់ស្លាប់ ខណៈ ១០០០នាក់ ជាប់ក្រោមគំនរបាក់បែក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង