រដ្ឋបាលខេត្តព្រៃវែង ទទួលបានរថយន្តក្រុង ចំនួន ១០ គ្រឿង ពីក្រុមហ៊ុនឯកជន

លោក ឌុច គន្ធា អភិបាលរងខេត្តព្រៃវែង បានទទួលរថយន្តក្រុងចំនួន ១០ គ្រឿងបន្ថែមទៀត ពីក្រុមហ៊ុន ប៊ូ យ៉ុង គ្រុប សម្រាប់យកទៅប្រើប្រាស់ជាប្រយោជន៍រួមរបស់ខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីទទួលរថយន្តនេះ ធ្វើឡើងនៅកំពង់ផែស្វយ័តក្រុងព្រះសីហនុ  នៅថ្ងៃទី ០៨ ខែ វិច្ជិកា។ លោក ឌុច គន្ធា បានថ្លែងអំណរអរគុណចំពោះម្ចាស់ក្រុមហ៊ុន ប៊ូ យ៉ុង គ្រុប ដែលបានផ្ដល់រថយន្តទាំងអស់នេះសម្រាប់​រដ្ឋបាល​ខេត្តព្រៃវែង។

នាឱកាសនោះដែរ លោកអភិបាលរងខេត្ត បានលើកឡើងបន្តថា រថយន្តទាំងអស់នោះ គឺជាការចូលរួមចំណែកយ៉ាង សំខាន់របស់ម្ចាស់ក្រុមហ៊ុន ដោយគិតជាទឹកប្រាក់យ៉ាងច្រើនសន្ធឹកសន្ធាប់ មករដ្ឋបាលខេត្តព្រៃវែង។ ការរួមចំណែករបស់ក្រុមហ៊ុននេះ គឺជាផ្នែកមួយជួយកាត់បន្ថយភាពក្រីក្រជាមួយរាជរដ្ឋាភិបាលកម្ពុជា ក្នុងការអភិ វឌ្ឍន៍ប្រទេសឲ្យកាន់តែមានភាពរីកចម្រើនទ្វេដងបន្ថែមទៀត។

សូមបញ្ជាក់ថា រថយន្តក្រុងដែលជាអំណោយរបស់ក្រុមហ៊ុន ប៊ូ យ៉ុង គ្រុប នេះបានផ្តល់ជូនដល់រដ្ឋបាលខេត្ត ព្រៃវែងបានចំនួន ១ លើករួចមកហើយកាលពីថ្ងៃទី ២៥ ខែកញ្ញា ឆ្នាំ២០២៣ ចំនួន ១០ គ្រឿង៕

អត្ថបទ៖ សៅ គ្រី