អាជ្ញាធរខេត្តកែប សម្រេចដកបង្គោលថ្មដែលដាំនៅកណ្ដាលទ្រូងផ្លូវ និងតម្រូវឲ្យម្ចាស់ដីទៅសុំច្បាប់អនុញ្ញាតឡើងវិញ

ក្រោយមានការចុះផ្សាយព័ត៌មានកាលពីថ្ងៃទី១៤ ខែវិច្ឆិកា ឆ្នាំ២០២៣កន្លងមកនេះ ថាមានការបោះបង្គោលរបងថ្មនៅចំកណ្តាលទ្រូងផ្លូវនៅក្នុងសង្កាត់កែប ក្រុងកែប លោក ប៊ុន យោង អភិបាលរងខេត្តកែប និងជាអ្នកនាំពាក្យបានបញ្ជាក់នាថ្ងៃទី១៦ ខែវិច្ឆិកានេះថា អាជ្ញាធរក្រុងកែប បានសម្រេចដកបង្គោលរបងដែលបោះចំកណ្តាលទ្រូងផ្លូវនោះចេញហើយ ដោយភាគគឺម្ចាស់ដីមានប័ណ្ណកម្មសិទ្ធិមានការព្រមព្រៀងដកបង្គោលរបងនោះចេញហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរដ្ឋបាលខេត្តបានបន្ថែមទៀតថា ការដកនេះដោយសារភាគីម្ចាស់ដីមានប័ណ្ណកម្មសិទ្ធមិនបានទៅសុំច្បាប់អនុញ្ញាតពីអាជ្ញាធរជាមុននោះឡើយ ហើយអាជ្ញាធរបានតម្រូវឱ្យភាគីម្ចាស់ដីទៅសុំច្បាប់នៅរដ្ឋបាលក្រុងកែបនោះឡើងវិញ។

ដោយឡែក ការបោះបង្គោលរបស់ម្ចាស់ដី សូមធ្វើការបកស្រាយបំភ្លឺពីអាជ្ញាធរថា បើយោងទៅតាមប្លង់ប័ណ្ណកម្មសិទ្ធម្ចាស់ដីដែលមាន នាកន្លងទៅដោយមន្ត្រី និងមន្ទីរជំនាញបានឈួសឆាយធ្វើផ្លូវចុះទៅសមុទ្រ បានចូលដីប្រជាពលរដ្ឋដែលមានប័ណ្ណកម្មសិទ្ធិចំនួនប្រមាណ ៣ ម៉ែត្រ។ ទោះជាយ៉ាងណាអាជ្ញាធរនឹងបញ្ចប់បញ្ហានេះដោយបានរក្សាផ្លូវនេះទុក១២ម៉ែត្រ ដ៏ដែល ប៉ុន្តែអាជ្ញាធរបានតម្រូវឱ្យម្ចាស់ដីមុន និងធ្វើរបងត្រូវទៅសុំច្បាប់អនុញ្ញាតពីអាជ្ញាធរឬមានសមត្ថកិច្ចជាមុនសិនទើបអាជ្ញាធរអនុញ្ញាត៕

អត្ថបទ៖ សឹង រ៉ាត់